Qazaqstanda eń tómengi kúnkóris deńgeii ósip, halyqtyń bazalyq ómir súrý shyǵyndaryn kórsetetin kórsetkish artty. Ulttyq statistika biýrosynyń málimetinshe, 2026 jyldyń birinshi toqsanynda ol 64 155 teńge boldy, dep habarlaidy Dalanews.kz.
Ótken jyldyń sáikes kezeńimen salystyrǵanda kórsetkish birden 22,2%-ǵa artqan. Sonymen qatar, soma halyq sanatyna qarai ózgeredi. 18 jastan asqan er adamdar úshin kúnkóris deńgeii 76 382 teńgege jetse, áielder úshin – 60 649 teńge. Zeinetkerler men egde jastaǵy adamdarǵa aiyna shamamen 60 208 teńge qajet, al 14 jasqa deiingi balalar úshin bul kórsetkish 50 885 teńgeni quraidy.
Eń joǵary kórsetkish jasóspirimder arasynda tirkelgen: 14–17 jastaǵy uldarǵa orta eseppen 81 304 teńge, qyzdarǵa 62 298 teńge qajet.
Óńirler arasynda da aitarlyqtai aiyrmashylyq bar. 2026 jyldyń birinshi toqsanynda eń joǵary kúnkóris deńgeii Almatyda tirkeldi – 71 515 teńge, bul ótken jylmen salystyrǵanda 30,8%-ǵa kóp. Odan keiin Mańǵystaý oblysy – 70 414 teńge jáne Almaty oblysy – 67 555 teńge.
Elordada kúnkóris deńgeii 65 969 teńgeni qurady. Kóptegen óńirlerde bul kórsetkish 60–64 myń teńge aralyǵynda. Eń tómengi mánder batys jáne soltústik óńirlerde baiqaldy: Batys Qazaqstan oblysynda – 54 611 teńge, Aqtóbe oblysynda – 57 721 teńge, Atyraý oblysynda – 58 480 teńge, al Pavlodar oblysynda – 58 658 teńge.
