Qazaqstan S&P Global Ratings halyqaralyq reitingtik agenttigi jasaǵan BICRA - bank sektorynyń salalyq jáne eldik táýekelder reitingisinde óz pozitsiiasyn jaqsartty, dep jazady Dalanews.kz.
"12 jeltoqsanda S&P Global Ratings halyqaralyq reitingtik agenttigi Qazaqstan Respýblikasynyń BICRA (Bank sektorynyń salalyq jáne eldik táýekelderin baǵalaý) reitingindegi pozitsiiasynyń 8-toptan 7-topqa jaqsarǵanyn málimdedi. Bul kórsetkish eldiń bank salasyndaǵy táýekelderdiń tómendeýin kórsetedi, sondai-aq retteýshiniń qarjy sektoryn qadaǵalaýdy kúsheitý jónindegi kúsh-jigerin aiǵaqtaidy", dep habarlaidy QR Qarjy naryǵyn damytý jáne retteý agenttigi (QNDRA).
S&P esebine sáikes, Qazaqstan bank sektorynyń makroekonomikalyq syn-tegeýrinder men geosaiasi táýekelderge ornyqtylyǵyn kórsetti. Agenttik qazaqstandyq bankterdiń aktivteriniń sapasy men qarjylyq kórsetkishteri kútkennen asyp túskenin atap ótedi.
"Reitingti qaita qaraýdaǵy mańyzdy faktor QNRDA qadaǵalaý qyzmetin nyǵaitý boldy. Negizgi jetistikterdiń qatarynda aktivterdiń sapasyn turaqty baǵalaý (AQR), SREP qadaǵalaý modeline kóshý, bankterdegi táýekelderdi shekteý jáne tutynýshylyq kreditteýdiń ósý qarqynyn baqylaý sharalary atap ótildi", delingen habarlamada.
S&P QNRDA qabyldaǵan sharalar bank júiesindegi daǵdarystardy boldyrmaýǵa jáne naryqtyq ózgerister aiasynda turaqty operatsiialyq qyzmetti qamtamasyz etýge múmkindik bergenin atap ótti. S&P pikirinshe, bul sharalar eldiń qarjylyq ornyqtylyǵyn jaqsartýǵa yqpal etti, osy rette júiedegi problemalyq kreditter deńgeii 2020 jylǵy 18%-dan 2024 jyly 7-7,5%-ǵa deiin tómendedi.
BICRA reitingin jaqsartý 7 qarjy mekemesiniń reitingin kóterýge múmkindik berdi.
Buǵan deiin jyl basynan beri jeke tulǵalardyń bankterdegi depozitteri 2,3 trillion teńgege, nemese 11,1%-ǵa óskenin jazǵan bolatynbyz.
