Aqtóbe oblysynda ózenge batyp bara jatqan nemeresin qutqarmaq bolǵan 61 jastaǵy er adam kóz jumdy. Qaiǵyly oqiǵa 19 maýsym kúni Bestamaq aýylynyń mańyndaǵy Ilek ózeninde bolǵan, dep habarlaidy dalanews.kz.
Aldyn ala málimet boiynsha, 17 jastaǵy qyz ózenniń taiaz jerimen ótpek bolǵan kezde sý astyndaǵy tereń shuńqyrǵa túsip ketken. Nemeresin qutqarýǵa umtylǵan atasy birden sýǵa sekirgenimen, ekeýi de jaǵaǵa shyǵa almai, sýǵa batyp ketken.
Marqumdardyń denesin oqiǵa ornynda bolǵan kýágerler sýdan alyp shyqqan.
Oqiǵa bolǵan jerde "Shomylýǵa bolmaidy" degen eskertý belgisi ornatylǵan. Mamandar bul aýmaqta shomylý ómirge asa qaýipti ekenin eskertedi.
