Qazaqstannyń Syrtqy ister ministrligi AQSh aýmaǵynda qaza tapqan Qazaqstan azamaty Áset Quralbaidyń máiitin elge jetkizýdi uiymdastyrdy. Bul týraly vedomstvonyń resmi ókili Erlan Jetibaev málimdedi, dep habarlaidy dalanews.kz.
Ministrliktiń málimetinshe, 16 maýsymda AQSh-tyń quzyrly organdary buǵan deiin máiiti tabylǵan adamnyń jeke basyn resmi túrde anyqtap, onyń Qazaqstan azamaty Aset Quralbai ekenin rastaǵan. Amerikalyq quqyq qorǵaý qyzmetteri onyń denesin 15 maýsymda tapqanymen, sol kezde jeke basy resmi túrde naqtylanbaǵan bolatyn.
Áset Quralbaidyń Chikago qalasynda iz-túzsiz joǵalǵany týraly 13–14 maýsym kúnderi belgili boldy. Onyń jaqyndarymen sońǵy ret 2 maýsymda bailanysqa shyqqany habarlanǵan.
