Jýzefina atymen belgili bloger Juldyz Jaýynbaeva 10 táýlikke ákimshilik qamaýǵa alyndy. Bul týraly Almaty qalasynyń politsiia departamenti habarlady, dep jazady dalanews.kz.
Buǵan deiin bloger áleýmettik jelide ákesi tarapynan ózine qatysty zorlyq-zombylyq jasalǵanyn aityp, kópshilikke málimdeme jasaǵan edi.
Politsiianyń málimetinshe, osy jariia málimdemeler boiynsha tekserý júrgizilgen. Kontent avtory men onyń ata-anasy anyqtalyp, olardan jaýap alynǵan.
"Quqyqqa qaishy áreketter týraly aqparat rastalmady. Beinejazbada Almaty qalasynyń turǵyny tyiym salynǵan zattardy qoldanǵanyn kórsetken. Meditsinalyq kýálandyrý esirtki zattaryn qoldaný faktisin rastady", – dep habarlady politsiia.
Sondai-aq quqyq qorǵaý organdary blogerdiń áreketinen usaq buzaqylyq jáne jalǵan aqparat taratý belgileri anyqtalǵanyn málimdedi.
Sot sheshimimen Juldyz Jaýynbaeva 10 táýlikke ákimshilik qamaýǵa alyndy. Budan bólek, jalǵan aqparat taratqany jáne resmi eskertýdi buzǵany úshin oǵan 25 AEK mólsherinde aiyppul salyndy.
Politsiia áleýmettik jelide jariialanǵan kez kelgen málimet zań aiasynda tekseriletinin jáne jalǵan aqparat taratqandar jaýapqa tartylatynyn eskertti.
