5 tamyzda bilim berý obektilerine qatysty jańa sanitarlyq erejeler bekitildi. Erejelerdegi jańa talaptar bilim berý formatyn, tamaqtandyrýdy uiymdastyrýdy, ǵimaratqa, dáris zaldarynda, sport jáne akt zaldarynda, zerthanalyq, praktikalyq jáne stýdiialyq sabaqtarǵa jáne jataqhanalardaǵy bólmelerde syiymdylyqtyń, ornalasýdyń shekteýli kólemin qamtidy, - dedi Tsoi.
Búginderi, onyń aitýynsha, muǵalimder men basqa mektep qyzmetkerlerin vaktsinalaý jumystary aiaqtalýǵa jaqyn, al 18 jastan asqan stýdentterdi vaktsinalaý endi bastaldy.
Óz kezeginde, aýmaqtyq departamentter mektepterdiń jańa oqý jylyna daiyndyǵyn monitoringileýdi jalǵastyrýda.
"Qoldanystaǵy zańnamaǵa sáikes, meditsinalyq turaqty kórsetkishteri bar adamdardy qospaǵanda, muǵalimder men mektep qyzmetkerleri 100% vaktsina alǵanda ǵana bilim berýdiń dástúrli formatyna kóshýge bolady.
Biz muǵalimder, mektep qyzmetkerleri men ata-analar arasynan aýrý juqtyrǵan, vaktsina almaǵan jáne naýqaspen bailanysqa túsken adamdardy monitoringilep otyrý úshin mektepterdiń kireberisine Ashyq qosymshasyn qoldanǵan jón dep sanaimyz", dep túsindirdi ministr.
Sonymen qatar ol sanitarlyq-epidemiiaǵa qarsy sharalardyń qatań saqtalýyn qamtamasyz etý qajettigin basa aitty, oǵan barlyq qyzmetkerler men oqýshylardyń kúndelikti tańerteń súzgi arqyly mektepke kirgizý, buqaralyq is-sharalarǵa tyiym salý, kabinettik oqytý júiesin joiý, sabaqtardy bólý jáne úzilis ýaqytyn ár túrli synyptarǵa sai ózgeristý, ashanalarda tamaqtanýdy uiymdastyrý jumysyna baqylaýdy kúsheitý jatady.
"Mektepte karantin engizilgen jaǵdaida qashyqtyqtan oqytýǵa kóshý bir inkýbatsiialyq kezeńdegi jaǵdailardyń sanyna, anyqtalǵan sanitarlyq-epidemiologiialyq rejimniń buzylýyna, sondai-aq naýqaspen jaqyn bailanystaǵy adamdar sanyna bailanysty saralanǵan túrde júrgiziletin bolady", - dedi ol.
