"Oqýshylar men ustazdardyń qaýipsizdigi men densaýlyǵyn qamtamsyz etý boıynsha uıymdastyrý sharalaryn tezdetip sheshý kerek. Osyǵan oraı, bilim jáne ǵylym mınıstrligine, densaýlyq saqtaý mınıstrligine, óńirlerdiń ákimdikterine tapsyrma beremiz.
Birinshiden, jańa oqý jylynda mektepke deıingi, orta bilim berý uıymdarynda, sonymen qatar, kolejder men joǵary oqý oryndarynda oqý shtattyq rejımde uıymdastyrylsyn.
Ekinshiden, osy jyldyń 25-shi tamyzyna deıin medısınalyq qarsy kórsetilimi bar adamdardan basqa ustazdar men tehnıkalyq personal vaksınalaýmen 100 prosentke qamtamasyz etilsin", - dep atap kórsetti Mamın.
Budan bólek, premer-mınıstr 20 tamyzǵa deıin mektepterdi sanıtarlyq talaptarǵa saı jasaqtaýdy tapsyrdy. Ustazdar, qyzmetkerler men ata-analar mektepke Ashyq júıesi arqyly kiredi.
2021-2022 oqý jylynda Qazaqstannyń 7475 mektebinde 3,4 mln-nan astam adam, onyń ishinde 1 synypta 380 myńnan astam bala oqıtyn bolady.
Oqý dástúrli formatta júrgiziledi. Vaksına alǵan pedagogter jumysqa jiberiledi. Qazirgi ýaqytta vaksınalaýǵa jatatyn pedagogterdiń 93,1%-y jáne bilim berý mekemeleriniń basqa qyzmetkerleriniń 88,4%-y vaksına aldy.
Premer-Mınıstr 25 tamyzǵa qaraı barlyq bilim berý uıymdarynyń oqý jylyn bastaýǵa 100% daıyn bolýyn qamtamasyz etýdi, balalardyń qaýipsizdigi, tamaqtandyrý jáne mektepke jetkizý boıynsha barlyq máselelerdiń sheshimin tabýdy tapsyrdy.
https://dalanews.kz/del-qazir/66392-1-qyrkuyek-mektepterge-qoyylatyn-zhanga?fbclid=IwAR2mYYtGoVCq3OuCYuk_SDqmV63N4GXFu9Xlwnw8aGpnvNkDMSkusb8z3RA
