Resei biligi elde benzin tapshylyǵy baryn alǵash ret resmi rastady. Vitse-premer Aleksandr Novaktyń aitýynsha, keibir óńirlerge janarmai jetkizý qiyndaǵan, dep habarlaidy dalanews.kz.
Tapshylyqqa Reseidegi munai óńdeý zaýyttaryna jasalǵan shabýyldar áser etken. Kásiporyndardyń zaqymdanýy men jumysynyń ýaqytsha toqtaýy saldarynan benzin óndirisi tómendedi. Reuters málimetinshe, maýsym aiynda Reseide óndirilgen benzin kólemi ótken jyldyń sáikes kezeńimen salystyrǵanda shamamen 25 paiyzǵa azaiǵan. Osyǵan bailanysty Máskeý Qazaqstannan 50 myń tonnaǵa jýyq AI-92 benzinin satyp alý jóninde kelissóz júrgizgen.
Reseidegi jaǵdai Qazaqstannyń ishki naryǵyna da áser etýi múmkin. Kórshi elde suranys artsa, qazaqstandyq janarmaidyń shekara asyp ketý qaýpi kúsheiedi. Sondyqtan Qazaqstan benzin men dizel otynyn avtokólikpen shetelge shyǵarýǵa 2026 jylǵy 21 qarashaǵa deiin tyiym saldy. Bul shekteý Eýraziialyq ekonomikalyq odaq elderine de qatysty.
Qazaqstan biligi mundai shara ishki naryqta janarmai tapshylyǵyna jol bermeý úshin qajet ekenin túsindirdi. Qazir el úshin negizgi mindet halyq pen kásiporyndardy otynmen turaqty qamtamasyz etý bolyp otyr.
