رەسەي بيلٸگٸ ەلدە بەنزين تاپشىلىعى بارىن العاش رەت رەسمي راستادى. ۆيتسە-پرەمەر الەكساندر نوۆاكتىڭ ايتۋىنشا, كەيبٸر ٶڭٸرلەرگە جانارماي جەتكٸزۋ قيىنداعان, دەپ حابارلايدى dalanews.kz.
تاپشىلىققا رەسەيدەگٸ مۇناي ٶڭدەۋ زاۋىتتارىنا جاسالعان شابۋىلدار ەسەر ەتكەن. كەسٸپورىنداردىڭ زاقىمدانۋى مەن جۇمىسىنىڭ ۋاقىتشا توقتاۋى سالدارىنان بەنزين ٶندٸرٸسٸ تٶمەندەدٸ. Reuters مەلٸمەتٸنشە, ماۋسىم ايىندا رەسەيدە ٶندٸرٸلگەن بەنزين كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا شامامەن 25 پايىزعا ازايعان. وسىعان بايلانىستى مەسكەۋ قازاقستاننان 50 مىڭ تونناعا جۋىق اي-92 بەنزينٸن ساتىپ الۋ جٶنٸندە كەلٸسسٶز جٷرگٸزگەن.
رەسەيدەگٸ جاعداي قازاقستاننىڭ ٸشكٸ نارىعىنا دا ەسەر ەتۋٸ مٷمكٸن. كٶرشٸ ەلدە سۇرانىس ارتسا, قازاقستاندىق جانارمايدىڭ شەكارا اسىپ كەتۋ قاۋپٸ كٷشەيەدٸ. سوندىقتان قازاقستان بەنزين مەن ديزەل وتىنىن اۆتوكٶلٸكپەن شەتەلگە شىعارۋعا 2026 جىلعى 21 قاراشاعا دەيٸن تىيىم سالدى. بۇل شەكتەۋ ەۋرازييالىق ەكونوميكالىق وداق ەلدەرٸنە دە قاتىستى.
قازاقستان بيلٸگٸ مۇنداي شارا ٸشكٸ نارىقتا جانارماي تاپشىلىعىنا جول بەرمەۋ ٷشٸن قاجەت ەكەنٸن تٷسٸندٸردٸ. قازٸر ەل ٷشٸن نەگٸزگٸ مٸندەت حالىق پەن كەسٸپورىنداردى وتىنمەن تۇراقتى قامتاماسىز ەتۋ بولىپ وتىر.
