26 мамырда Қонаев спорт астанасына айналып, әркім өзіне лайық қашықтықты таба алды. QAZAQ MARATHON қайта оралып, биыл шара ерекше маңыздылық пен ауқымға ие болды.
Алматы облысы әкімінің орынбасары Рустам Исатаев жарысқа қатысып, салауатты өмір салты мен аймақтағы спорттың дамуының маңыздылығын атап өтті.
"Баршаңызды марафонның ашылуымен шын жүректен құттықтаймын! Біздің облыс орталығы - Қонаев қаласынан басталған ауқымды жоба республиканың бірнеше қалаларында өтетіні біз үшін үлкен мақтаныш", - деді Рустам Исатаев.
Жарысқа 1500-ден астам қатысушы жиналды, олардың әрқайсысы аймақтағы бұқаралық спорттың дамуына өз үлесін қосуда.
"Президент Қасым-Жомарт Кемелұлы Тоқаев әр адамның денсаулығы - ұлттың денсаулығы екенін атап өтті. Ал, дені сау ұлтты қалыптастыру - мемлекеттің басты мақсаттарының бірі", - деп атап өтті әкімнің орынбасары.
Іс-шараның бас серіктесі - Freedom life компаниясы.
QAZAQ MARATHON белсенді қазақстандықтар үшін маңызды оқиға болып қана қоймай, көптеген адамдарды салауатты өмір салтына қосылуға шабыттандыруы мүмкін.
Марафон бүкіл Қазақстанды қамтып, бір қаладан басталып, басқа қалаларға ауысады. Әрбір марафон қатысушыларын естелік медальдар күтіп тұр.
Марафон келесі ауқымды мақсаттарды көздейді:
* Салауатты ұлт үшін! Қатысушылардан түскен қаражаттың бір бөлігі интернаттар мен балалар үйлеріндегі балаларға жаттығу ұйымдастыруға жұмсалады.
* Тең мүмкіндіктер! Марафонға қатысу үшін төлем жасай отырып, қатысушы мүмкіндігі шектеулі балалардың жүгірісін жартылай демейді. Балалар марафонға қатысып, медаль, естелік мерч алып, спортпен шұғылдануға мотивация алады.
QAZAQ MARATHON 2024 - бұл жай ғана спорттық шара емес, бұл Қазақстанның салауатты болашағына қадам!
"Бұл менің 15-ші марафоным. Жеңіл атлетика жарыстарына 19 жасымнан бастап қатысып келемін, қазір 35 жастамын. Мен бірде-бір осындай спорттық шараны жібермеуге тырысамын. Бүгін ерлер арасында 5 км қашықтықта үшінші орынға ие болдым. Бүгінгі ауа райы да жүгіруге ең қолайлы. Баршаңызға көп жүгіріп, денсаулықтарыңыз мықты болуын тілеймін", - деді алматылық жарысқа қатысушы Сұлтан Айғарай.
Айта кетерлігі, 5 км және 10 км қашықтықтарды ұжым болып жүгіргендер де болды. Солардың бірі - Еңбекшіқазақ ауданынан келген "Техноград" ЖШС-нің 30 адамдық тату командасы.
"Бес жыл бұрын біздің қызметкерлер осындай бұқаралық спорттық іс-шараларға, марафондарға қатысу идеясына келді. Содан бері біз бірлесіп жарыстарға қатысуды ұйғардық, бұл біздің ұйымымыздағы бірлікті және корпоративтік рухты нығайтуға көмектеседі. Мұндай іс-шаралар денсаулыққа оң әсер етіп, салауатты өмір салтын насихаттап, жүгіруге деген сүйіспеншілікті оятады. Бұл марафон өте жақсы ұйымдастырылған. Осындай керемет спорт мерекесін ұйымдастырғандарыңыз үшін ұйымдастырушыларға алғыс айтамыз", - деп атап өтті "Техноград" ЖШС басшысы Зия Талғатов.
Жарыстарға Ресей, Беларусь, Өзбекстан, Қырғызстан және Қазақстаннан 10 жастан асқан әуесқойлар мен кәсіпқойлар қатысты.
