التى جىل بۇرىن جاڭا تۇركىستان وبلىسى قۇرىلدى. بۇگىندە تۇركىستان تەك وبلىس ورتالىعى رەتىندە عانا ەمەس، تۇركى الەمىنىڭ رۋحاني مادەني ورتالىعى بولىپ قالىپتاستى. بۇگىن ءوڭىر باسشىسى دارحان ساتىبالدى 30 تامىز – كونستيتۋسيا كۇنىنە ارنالعان سالتاناتتى شارادا ءوڭىردىڭ ءبىرقاتار جەتىستىكتەرىنە توقتالدى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
قاسيەتتى قالادا ءتۇرلى نىساندار بوي كوتەرىپ، ينفراقۇرىلىمى قالىپتاسقان جاڭا ساۋلەتتى شاhارعا اينالدى. بيىل تۇركىستان قالاسى تۇركى الەمىنىڭ تۋريستىك استاناسى بولىپ جاريالاندى. كيەلى قالاعا مەملەكەت باسشىسىنىڭ تاپسىرماسىمەن ەرەكشە مارتەبە بەرۋ تۋرالى زاڭ جوباسى پارلامەنت ماجىلىسىندە قارالۋدا. الداعى ۋاقىتتا بۇل قۇجات ءوڭىردىڭ دامۋىنا ايرىقشا سەرپىن بەرمەك. تۇركىستان ءوڭىرىنىڭ الەۋمەتتىك-ەكونوميكالىق دامۋى دا قارقىندى جۇرۋدە.
وبلىس ەكونوميكاسىنىڭ باستى كورسەتكىشى جالپى وڭىرلىك ءونىم كولەمى بيىلعى 7 ايدا 2،9 ترلن تەڭگەگە جەتكەن. اۋقىمدى ءوندىرىس ورىندارىن قالىپتاستىرۋعا ەنەرگەتيكا تاپشىلىعىن شەشۋ ءۇشىن ماڭىزدى جوبالار جۇزەگە اسىرىلۋدا. سايرامدا 1 000 مۆت ستانسياسىنىڭ قۇرىلىسى جۇرگىزىلىپ جاتىر. تۇلكىباستا 320 مۆت، كەنتاۋدا 240 مۆت گاز تۋربينا ستانسيالارى، ساۋراندا 300 مۆت كۇن ەلەكتر ستانسياسىنىڭ جوبالاۋ-سمەتالىق قۇجاتتامالارى ازىرلەنۋدە. جاڭا ونەركاسىپ كوزدەرىن اشۋعا قاجەتتى ەلەكتر قۋاتىمەن قامتاماسىز ەتەدى. ەلەكتر ەنەرگيا باعاسى 47 تەڭگەدەن 25 تەڭگەگە ءتۇسىرىلدى.
ونەركاسىپ ءونىم كولەمى بيىل 7 ايدا 6،6 پايىزعا ارتىپ وتىر. ساۋران اۋدانىندا 100 گەكتار اۋماقتا شاعىن ونەركاسىپتىك پارك جوباسى جۇزەگە اسىرىلۋدا. بۇل جەردە 160 وندىرىستىك عيمارات سالىنىپ، 100 استام ينۆەستيسيالىق جوبا ىسكە قوسىلادى. ناتيجەسىندە 5 000 جۋىق جاڭا جۇمىس ورنى اشىلادى. بۇگىنگى تاڭدا پارك اۋماعىندا جيھاز فابريكاسى ىسكە قوسىلدى، جاڭبىرلاتىپ سۋعارۋ قوندىرعىلارى ءوندىرىسى اشىلدى، سۋسىن، مۇزداتقىش جانە قۇرىلىس زاتتارىن شىعاراتىن زاۋىتتار قولدانىسقا بەرىلدى.
باسقا يندۋستريالدى ايماقتارىمىزدا الليۋمينيۋم، تاۋ-كەن مەتاللۋرگيا، قۇرىلىس ماتەريالدارى، جيھاز جانە سۋسىندار ءوندىرۋ زاۋىتتارى الداعى ۋاقىتتا اشىلادى. جالپى 87 جوبا ىسكە اسىرىلۋدا. ءوندىرىستى دامىتۋ باعىتىندا اۋقىمدى جۇمىستار ءالى دە جالعاسادى. وبلىس ەكونوميكاسىنا ينۆەستيسيا تارتۋ وتكەن جىلدىڭ ءتيىستى كەزەڭىمەن سالىستىرعاندا 1،2 ەسەگە ارتتى.
ەكونوميكانىڭ دامۋىنا تىڭ سەرپىن بەرەتىن جالپى قۇنى 145 ينۆەستيسيالىق جوبا پۋلى قالىپتاستىرىلدى. بيىلعى 7 ايدا 25 جوبا ىسكە قوسىلىپ، 866 جۇمىس ورنى اشىلدى. ءوڭىر ەكونوميكاسىنىڭ ماڭىزدى سالاسى اۋىل شارۋاشىلىعىندا ءونىم كولەمى ارتتى. وسىعان سايكەس، وندىرىلگەن ءونىم كولەمى بويىنشا وبلىس رەسپۋبليكادا ەڭ جوعارعى كورسەتكىشكە يە بولدى.
بۇكىل دۇنيە جۇزىندە جىل سايىن اعىن سۋ تاپشىلىعى ارتىپ كەلەدى. وسىعان وراي، سۋدى كوپ تۇتىناتىن داقىلدار القابىن 10 مىڭ گەكتارعا قىسقارتىلدى. سۋ ۇنەمدەۋ تەحنولوگياسىنىڭ قول جەتىمدىلىگىن ارتتىرۋ ماقساتىندا «جىلىنا 1 000 دانا جاڭبىرلاتىپ سۋعارۋ ماشينالارىن شىعارۋ» زاۋىتى ىسكە قوسىلدى. جىل سوڭىنا دەيىن تاعى «50 مىڭ گەكتار تامشىلاتىپ سۋعارۋ ءوندىرىسى» قولدانىسقا بەرىلەدى. «تۇران سۋ» مەملەكەتتىك كاسىپورنى جىلىنا 9 مىڭ گەكتار اۋماقتى تامشىلاتىپ سۋعارۋ جۇيەسى ءوندىرىسى ىسكە قوسىلۋدا. «بايدىبەك اتا» سۋ قويماسىنىڭ قۇرىلىسى قارقىندى جۇرگىزىلۋدە. ال «بورالداي» سۋ قويماسىنىڭ قۇرىلىسى كەلەسى جىلى باستالادى.
زاماناۋي تەحنولوگيا مەن وزىق تاجىريبەنى قولدانا وتىرىپ ماقتا-توقىما كلاستەرىن قۇرۋدى قولعا الدىق. 200 مىڭ شارشى مەتر قۇرايتىن زاۋىت جانە فابريكانىڭ قۇرىلىسى باستالدى. سولتۇستىك قازاقستان وبلىسىنىڭ تاجىريبەسىن قولدانا وتىرىپ، وبلىستا 3 ءسۇت فەرماسى ىسكە اسىرىلادى. دەموگرافيالىق وسىمگە بايلانىستى جىل باسىنان بەرى تۇرعىن ۇيلەر پايدالانۋعا بەرىلۋدە. ناتيجەسىندە، كەزەكتە تۇرعان 5 مىڭعا جۋىق وتباسىنىڭ باسپانا ماسەلەسى شەشىلەدى.
وڭىردە «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا ەلدى مەكەندەردە 49 نىساننىڭ قۇرىلىسى جۇرگىزىلۋدە. سونىمەن قاتار، قوسىمشا 3 اۋرۋحاناعا كۇردەلى جوندەۋ جۇمىستارى اتقارىلۋدا. بىلتىر اتاۋلى الەۋمەتتىك كومەك الۋشىلاردىڭ سانىن 21 پايىزعا تومەندەدى. بيىل تاعى دا 26 پايىزعا دەيىن ازايتۋ جوسپارلانعان. ناتيجەسىندە، كەدەيشىلىك دەڭگەيى تومەندەيدى دەپ كۇتىلۋدە. ءوز ءىسىن اشۋعا نيەت بىلدىرگەن 1 793 ادامعا قايتارىمسىز گرانت ۇسىنىلادى. 621 جاسقا 2،5 پايىزبەن جەڭىلدەتىلگەن شاعىن نەسيە قاراستىرىلعان.
مەملەكەت باسشىسىنىڭ تىكەلەي تاپسىرماسىمەن اۋىلدىق جەرلەردى دامىتۋ ماقساتىندا 2024 جىلعا «اۋىل – ەل بەسىگى» جوباسى اياسىندا 181 ەلدى مەكەندە 211 جوبانى ىسكە اسىرۋعا قارجى ءبولىندى. جوعارىدا اتالعان شارالاردىڭ بارلىعى ەكونوميكالىق تاۋەلسىزدىككە قول جەتكىزۋگە ناقتى ىقپال ەتەدى.
