قازاقستاندا 2025 جىلعى كوكتەمگى ەگىس جۇمىستارى تولىق اياقتالدى. مەملەكەتتىك قولداۋ شارالارىنىڭ، ديقاندار مەن جەرگىلىكتى اكىمشىلىكتىڭ ۇيلەسىمدى جۇمىسىنىڭ ارقاسىندا ەگىس دەر كەزىندە جۇرگىزىلدى. سالالىق مينيسترلىك مالىمەتتەرىنە سايكەس، اۋىل شارۋاشىلىعى داقىلدارى 23،7 ملن گەكتار جەرگە ەگىلىپ، سەبىلدى، دەپ حابارلايدى Dalanews.kz.
"سونىمەن قاتار، ەگىستىك القاپتاردىڭ قۇرىلىمىن ءارتاراپتاندىرۋعا ەرەكشە نازار اۋدارىلدى. بۇل رەتتە ەگىن اينالىمىنىڭ عىلىمي نەگىزدەلگەن نورمالارى، كليماتتىق تاۋەكەلدەرگە توزىمدىلىك جانە نارىقتىق ۇردىستەر ەسكەرىلدى"، دەلىنگەن ۆەدومستۆو حابارلاماسىندا.
ناتيجەسىندە، ونىمدىلىگى جوعارى جانە سۇرانىسقا يە داقىلداردىڭ ەگىس كولەمى ۇلعايدى:
- مايلى داقىلدار – 3،4 ملن گەكتار (وتكەن جىلمەن سالىستىرعاندا 0،5 ملن گەكتارعا ارتىق)،
- مال ازىقتىق داقىلدار – 3،3 ملن گەكتار (114 مىڭ گەكتارعا ارتتى)،
- داندىك جۇگەرى – 167،5 مىڭ گەكتار، كوكونىس-باقشا داقىلدارى – 222،3 مىڭ گەكتار.
"اتالعان ەگىس القاپتارى ەلدىڭ ىشكى قاجەتتىلىكتەرىن قامتاماسىز ەتىپ قانا قويماي، اگروونەركاسىپتىك كەشەننىڭ ەكسپورتتىق الەۋەتىن ارتتىرۋعا مۇمكىندىك بەرەدى"، - دەيدى اشم باسپا ءسوز قىزمەتى.
ايتا كەتۋ كەرەك، بيىل ەگىس جۇمىستارىن قارجىلاندىرۋ العاش رەت دالا جۇمىستارى باستالعانعا دەيىن التى اي بۇرىن باستالدى. جالپى قارجىلاندىرۋ كولەمى 700 ملرد تەڭگەنى قۇرادى. ديقانداردىڭ جەڭىلدەتىلگەن قارجىعا قولجەتىمدىلىگىن ارتتىرۋ ماقساتىندا قارىز سوماسىنىڭ 85%-نا دەيىن كەپىلدىك بەرۋ مەحانيزمى ىسكە قوسىلدى.
اۋىل شارۋاشىلىعى تەحنيكاسىن جەڭىلدەتىلگەن ليزينگ ارقىلى الۋ كولەمى 250 ملرد تەڭگەنى قۇرادى. بۇل ماشينا-تراكتور پاركىن جاڭارتۋعا جانە كوكتەمگى دالا جۇمىستارىن اگروتەحنيكالىق مەرزىمدەردە، جوعارى تەحنولوگيالىق تيىمدىلىكپەن جۇرگىزۋگە ەلەۋلى اسەر ەتتى.
بۇعان دەيىن سايتىمىزدا "فەرمەرلەرگە سۋبسيديا، وتباسى بانك سالىمشىلارىنا مەمسىيلىق جوق". ۇكىمەت ساندىراعى شىنعا اينالۋدا" دەگەن ماقالا جاريالانعان بولاتىن.
