دەۋرەن قوسانوۆ قورعانىس مينيسترٸ بولىپ تاعايىندالدى, دەپ حابارلايدى Dalanews.kz.
"مەملەكەت باسشىسىنىڭ جارلىعىمەن دەۋرەن جۇماتايۇلى قوسانوۆ قازاقستان رەسپۋبليكاسىنىڭ قورعانىس مينيسترٸ بولىپ تاعايىندالدى, ول بۇرىنعى اتقارعان لاۋازىمىنان بوساتىلدى", - دەلٸنگەن حابارلامادا.
بۇل قىزمەتتٸ اتقارعان رۋسلان جاقسىلىقوۆ لاۋازىمىنان بوساتىلدى.
ايتا كەتەيٸك, قوسانوۆ 1969 جىلى پاۆلودار وبلىسىندا دٷنيەگە كەلگەن. 1990 جىلى ارماۆير جوعارى ەسكەري اۆياتسييالىق ۇشقىشتار ۋچيليششەسٸن اياقتاعان. سودان كەيٸن ەسكەري-ەۋە اكادەميياسىنا وقۋعا تٷسكەن. اتاپ ايتقاندا يۋ.ا.گاگارين اتىنداعى ەسكەري-ەۋە اكادەميياسىن 2005 جىلى اياقتاعان بولسا, رەسەي فەدەراتسيياسى قارۋلى كٷشتەرٸ باس شتابىنىڭ ەسكەري اكادەميياسىن 2013 جىلى تەمامداعان.
قىزمەتٸن ٷشارال جاۋىنگەرلٸك پولكٸنەن باستاعان. سودان كەيٸن تالدىقورعانداعى «سۋ-27» ەسكادريلياسىنىڭ كومانديرٸ, قاراعاندى اۆيابازاسى شتابىنىڭ باستىعى, شىمكەنت اۆيابازاسىنىڭ كومانديرٸ بولعان.
ال 2013 جىلى قازاقستان رەسپۋبليكاسى قارۋلى كٷشتەرٸ ەۋە قورعانىسى كٷشتەرٸ ەسكەري-ەۋە كٷشتەرٸنٸڭ قولباسشىسى بولىپ تاعايىندالعان.
2019 جىلى بۇل قىزمەتٸنەن بوساتىلىپ, اقتٶبە قالاسىنداعى ەۋە قورعانىسى كٷشتەرٸ ەسكەري ينستيتۋتىنىڭ باستىعى بولىپ تاعايىندالعان.
2022 جىلدىڭ قازانىندا قازاقستان رەسپۋبليكاسى قارۋلى كٷشتەرٸ ەۋە قورعانىسى كٷشتەرٸ باس شتابى باستىعىنىڭ بٸرٸنشٸ ورىنباسارى, ال ەكٸ ايدان سوڭ, ەۋە قورعانىسى كٷشتەرٸنٸڭ باس قولباسشىسى بولىپ تاعايىندالعان.
2024 جىلى وعان اۆياتسييا گەنەرال-لەيتەنانتى اتاعى بەرٸلگەن.
