Dáýren Qosanov Qorǵanys ministri bolyp taǵaiyndaldy, dep habarlaidy Dalanews.kz.
"Memleket basshysynyń Jarlyǵymen Dáýren Jumataiuly Qosanov Qazaqstan Respýblikasynyń Qorǵanys ministri bolyp taǵaiyndaldy, ol burynǵy atqarǵan laýazymynan bosatyldy", - delingen habarlamada.
Bul qyzmetti atqarǵan Rýslan Jaqsylyqov laýazymynan bosatyldy.
Aita keteiik, Qosanov 1969 jyly Pavlodar oblysynda dúniege kelgen. 1990 jyly Armavir joǵary áskeri aviatsiialyq ushqyshtar ýchilishesin aiaqtaǵan. Sodan keiin áskeri-áýe akademiiasyna oqýǵa túsken. Atap aitqanda Iu.A.Gagarin atyndaǵy áskeri-áýe akademiiasyn 2005 jyly aiaqtaǵan bolsa, Resei Federatsiiasy Qarýly Kúshteri Bas shtabynyń Áskeri akademiiasyn 2013 jyly támamdaǵan.
Qyzmetin Úsharal jaýyngerlik polkinen bastaǵan. Sodan keiin Taldyqorǵandaǵy «Sý-27» eskadriliasynyń komandiri, Qaraǵandy aviabazasy shtabynyń bastyǵy, Shymkent aviabazasynyń komandiri bolǵan.
Al 2013 jyly Qazaqstan Respýblikasy Qarýly Kúshteri Áýe qorǵanysy kúshteri Áskeri-áýe kúshteriniń qolbasshysy bolyp taǵaiyndalǵan.
2019 jyly bul qyzmetinen bosatylyp, Aqtóbe qalasyndaǵy Áýe qorǵanysy kúshteri Áskeri institýtynyń bastyǵy bolyp taǵaiyndalǵan.
2022 jyldyń qazanynda Qazaqstan Respýblikasy Qarýly Kúshteri Áýe qorǵanysy kúshteri bas shtaby bastyǵynyń birinshi orynbasary, al eki aidan soń, Áýe qorǵanysy kúshteriniń bas qolbasshysy bolyp taǵaiyndalǵan.
2024 jyly oǵan aviatsiia general-leitenanty ataǵy berilgen.
