الماتى ەكٸمدٸگٸندە ادامداردى ٶرت كەزٸندە قۇتقارىپ قالعان قالا تۇرعىنى اسىل احمەتوۆكە ەرلٸگٸ ٷشٸن قۇرمەت كٶرسەتٸلٸپ, اقشالاي سىياقى تابىستالدى.
«ەڭبەگٸمدٸ ەلەپ, قۇرمەت كٶرسەتٸپ, ماراپاتتاپ جاتقانىڭىز ٷشٸن العىسىم شەكسٸز. بۇل – مەن ٷشٸن ٷلكەن مەرتەبە. قيىن جاعدايعا تاپ بولعان جاندارعا كٶمەك كٶرسەتۋدٸ ازاماتتىق بورىشىم دەپ بٸلەمٸن. بۇل ەرەكەتٸمدٸ ماراپات ٷشٸن ەمەس, ادامي پارىزىم رەتٸندە جاسادىم. مەنٸڭ ورنىمدا كەز كەلگەن ادام دەل سولاي ٸستەر ەدٸ دەپ ويلايمىن», – دەدٸ اسىل احمەتوۆ.
ايتا كەتەيٸك, بۇعان دەيٸن ەلەۋمەتتٸك جەلٸلەردە ەر ادامنىڭ تٶرتٸنشٸ قاباتقا دەيٸن ٶرمەلەپ شىعىپ, پەتەر بالكونىندا تۇتانعان ٶرتتٸ سٶندٸرگەن بەينەجازباسى تاراعان بولاتىن.
وقيعا 4 ماۋسىمدا ناۋرىزباي اۋدانىنداعى «الما سيتي» تۇرعىن ٷي كەشەنٸندە بولعان. تٶرتٸنشٸ قاباتتاعى پەتەر بالكونىندا قوقىس ٶرتەنٸپ, ٶرت سٶندٸرۋشٸلەر كەلگەنگە دەيٸن سول ماڭنان ٶتٸپ بارا جاتقان اسىل احمەتوۆ ٶرتتٸ ٶشٸرٸپ ٷلگەرگەن.
