اقتٶبەدە بەس قاباتتى تۇرعىن ٷيدەگٸ گازدىڭ اتىلۋىنا نە سەبەپ بولعانى تەكسەرٸلٸپ جاتىر. ٷش پودەزدەگٸ 45 پەتەردٸڭ تۇرعىندارىن شاڭىراعىنا ەزٸرگە جولاتپاۋدا. سەبەبٸ جارىلىستان جوعارى قاباتتاردىڭ اراسىنداعى پليتا قۇلاپ, التى باسپانانىڭ قابىرعاسى قاقىراعان. ال جارىلىس بولعان پەتەردٸڭ يەسٸ قازا تاپقان, دەپ حابارلايدى Dalanews.kz.
كتك تەلەارناسىنىڭ حابارلاۋىنشا, اقتٶبەنٸڭ قاق ورتاسىندا ورنالاسقان بەس قاباتى تۇرعىن ٷيدٸڭ تٶرتٸنشٸ قاباتىنداعى پەتەردە 4 ماۋسىمدا كەشكە گاز جارىلدى. باسپاناسىنا كٷردەلٸ جٶندەۋ جٷرگٸزبەك بولعان سول شاڭىراقتىڭ 36 جاستاعى يەسٸ قازا تاپتى. پەتەرٸن جٶندەپ جاتقان مارقۇم "گاز باللونىن قولدانۋى مٷمكٸن" دەگەن بولجام بار.
ال كٶرشٸلەرٸ ٷرەيدەن ەلٸ سەيٸلە الماي, امان قالعانىنا شٷكٸر ايتىپ وتىر. سەبيلا تٸرجانوۆا:
"جارىلىس بولعاندا مەن اس ٷيدە بولدىم. تارس ەتكەن دىبىستان شوشىپ كەتتٸم. شىعىپ سۇرايىن دەسەم, ەسٸك اشىلعان جوق, تەرەزەگە بارىپ ايقايلايمىن. ادام تولىپ تۇر. "نە بولدى? مەن شىعا الماي جاتىرمىن" دەدٸم. سوسىن كٶرشٸلەرگە ايقايلاسام, ولار داۋىستاپ جىلاپ جاتىر".
جارىلىس كٷشٸنٸڭ مىقتى بولعانى سونشالىق, قارسى بەتتەگٸ كٶرشٸ ٷيلەردٸڭ دە تەرەزەسٸ شىتىناپ, اۋلاداعى كٶلٸكتەرگە زاقىم كەلگەن. ٷيدٸ تولىق زەرتتەپ بولمايىنشا, 45 پەتەردٸڭ تۇرعىندارى ٷيٸنە كٸرە المايدى. جارىلىس بولعان پودەزدەگٸ پەتەرلەر ونسىز دا تۇرۋعا كەلمەيدٸ. ەكٸمدٸك ۋاقىتشا تۇرۋعا جاتاقحانا بەرگەن. وندا تەك 11 ادام تٷنەپ شىعىپتى. قالعانى تۋىستارىنا كەتكەن.
جاقسىلىق تاڭاتاروۆ, اقتٶبە قالاسى وتباسىن قولداۋ ورتالىعىنىڭ باسشىسى:
"تٷنگٸ 11 شاماسىندا ٶرت بولعان ٷيدٸڭ وتباسىلارىن, 11 ادامدى جاتاقحاناعا ورنالاستىردىق. قازٸر جاعدايى جاقسى. تٷندە وسى جەردە كەزەكشٸلەر, مەيٸربيكەلەر, دەرٸگەرلەر بولدى. تاماعى, قاجەت قۇرال جابدىق بەرٸلدٸ. قالعانى تٷندە تۋىستارىنا كەتتٸ".
شاڭىراعىنىڭ قابىرعاسى وپىرىلىپ, تٶبەسٸ ورتاسىنا تٷسكەن تۇرعىندار ەندٸ "دالادا قالامىز با" دەپ قورقىپ وتىر
