پرەزيدەنت امنيستييا تۋرالى زاڭعا قول قويدى, دەپ حابارلايدى dalanews.kz.
مەملەكەت باسشىسى «قازاقستان رەسپۋبليكاسىنىڭ قىلمىستىق كودەكسٸنە, قازاقستان رەسپۋبليكاسىنىڭ قىلمىستىق-پروتسەستٸك كودەكسٸنە جەنە قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى, دەلٸنگەن اقوردا حابارلاماسىندا.
ايتا كەتەيٸك, قازاقستاندا امنيستييا اياسىندا 15 مىڭنان استام ازاماتقا جەڭٸلدٸك جاسالادى. ونىڭ ٸشٸندە شامامەن 1500 سوتتالعان ادام بوستاندىققا شىعادى. قالعاندارىنىڭ جازا مەرزٸمٸ قىسقارتىلادى.
امنيستييا قىلمىستىق تەرٸس قىلىق جاساعاندارعا, اۋىرلىعى جەڭٸل قىلمىس ٷشٸن سوتتالعاندارعا, سونداي-اق كەلتٸرٸلگەن زالال بولماعان نەمەسە تولىق ٶتەلگەن جاعدايدا ورتاشا اۋىرلىقتاعى كەيبٸر قىلمىستاردى جاساعاندارعا قولدانىلادى.
سونىمەن قاتار ورتاشا اۋىرلىقتاعى, اۋىر جەنە اسا اۋىر قىلمىستار ٷشٸن سوتتالعانداردىڭ ٶتەلمەگەن جازا مەرزٸمٸ دە قىسقارتىلادى.
بيىل العاش رەت ەكٸمشٸلٸك امنيستييا ەنگٸزٸلٸپ وتىر. ونىڭ اياسىندا ازاماتتار, جەكە كەسٸپكەرلەر, نوتاريۋستار, جەكە سوت ورىنداۋشىلارى, ادۆوكاتتار جەنە زاڭ كونسۋلتانتتارى ەكٸمشٸلٸك ايىپپۇل تٶلەۋدەن بوساتىلادى.
دەگەنمەن امنيستييا سىبايلاس جەمقورلىق قىلمىستارى, تەرروريزم مەن ەكسترەميزم, كەمەلەتكە تولماعانداردىڭ جىنىستىق قول سۇعىلماۋشىلىعىنا قارسى قىلمىستار, ازاپتاۋ فاكتٸلەرٸ جەنە ٶزگە دە اۋىر ەرٸ اسا اۋىر قىلمىستار بويىنشا سوتتالعاندارعا قولدانىلمايدى.
