سەنات دەپۋتاتى، ءىىم باسشىسىنىڭ بۇرىنعى ورىنباسارى مارات قوجايەۆ "قۋاندىق بيشىمبايەۆ جازاسىن وتەپ جاتقانىن راستايتىن نەگە بىردە-بىر فوتو-ۆيدەو جوق؟" دەگەن ساۋالعا جاۋاپ بەردى، - دەپ حابارلايدى Dalanews.kz Tengrinews.kz-كە سىلتەپ.
سەنات كۋلۋارىندا جۋرناليستەر قوجايەۆتان سوتتالعان بۇرىنعى ۇلتتىق ەكونوميكا ءمينيسترى نەگە كوپشىلىككە كورسەتىلمەيتىنىن سۇرادى.
قوجايەۆتىڭ سوزىنشە، بيشىمبايەۆتى قىلمىستىق-اتقارۋ جۇيەسى كوميتەتىندە (قاجك) كورسەتپەۋىنە سەبەپ - ەكس-مينيستردىڭ ءوزىن سۋرەت-ۆيدەوعا تۇسىرگەنىن قالاماۋى.
"مۇنىڭ ءبارى ازاماتتاردىڭ قۇقىعىن قورعاۋعا بايلانىستى. ءتىپتى جازاسىن وتەپ جاتقان ازاماتتىڭ دا ازاماتتىق قۇقىعى بار. ەگەر ول ءوزىن كورسەتكىسى كەلمەسە، ارينە، ونى ماجبۇرلەۋ مۇمكىن ەمەس. كەشىرىڭىزدەر، دورەكى تۇردە ايتايىن: بۇل حايۋاناتتار باعى ەمەس. رەسمي وكىلدەرگە سەنۋ كەرەك. ول ستەپنوگورسك قالاسىنداعى قاۋىپسىزدىگى ەڭ جوعارى كولونيادا وتىر"، - دەپ ءتۇسىندىردى قوجايەۆ.
ايتا كەتەيىك، جۋىردا الەۋمەتتىك جەلىدە بيشىمبايەۆ قازاقستاندىق كولونيالاردان تابىلماعانى تۋرالى اقپارات تارادى. كەيبىر بۇقارالىق اقپارات قۇرالدارى بيشىمبايەۆ جازاسىن ستەپنوگورسك نەمەسە ارشالىدا وتەپ جاتقانىن جازدى.
2024 جىلى 26 ماۋسىمدا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىستىڭ اپەللياسيالىق سوت وتىرىسى بولعان ەدى. الايدا ولاردىڭ اپەللياسيالىق ءوتىنىشى قاناعاتتاندىرىلمادى.
قۋاندىق بيشىمبايەۆ 24 جىلعا، ءىنىسى باقىتجان بايجانوۆ 4 جىلعا سوتتالعان بولاتىن.
ايەلىن ولتىرگەنى ءۇشىن قاماۋعا الىنعان قۋاندىق بيشىمبايەۆ ەڭ جوعارى قاۋىپسىزدىك مەكەمەسىندە جازاسىن وتەپ جاتىر.
بۇعان دەيىن دە قاجك وكىلدەرى كولونيادا ەكس-مينيستر ءۇشىن قولايلى ورىن ءالى بوس ەمەس ەكەنىن، سوندىقتان جۇمىسقا تۇرماعانىن مالىمدەدى.
ال 12 قاراشادا اپەللياسيالىق القا قۋاندىق بيشىمبايەۆتى اتا-انا قۇقىعىنان ايىرۋ تۋرالى شاعىممەن ونىڭ بۇرىنعى ايەلىنىڭ تالاپ ارىزىن قارادى.
سوت مالىمەتىنشە، ەكس-مينيستر بالالارىنىڭ تەگىن وزگەرتۋىنە قارسى بولمادى، الايدا ونى اتا-انا قۇقىعىنان ايىرمادى.
