2021 جىلى جامبىل وبلىسىنداعى بايزاق اۋدانىنداعى اسكەري بولىمدە بولعان جارىلىستا قازا تاپقانداردىڭ جاقىندارىنا وتەماقى بەرىلەتىن بولدى، - دەپ حابارلايدى Dalanews.kz.
بۇل جولى جابىرلەنۋشىلەر قىزمەتتىك مىندەتتەرىن اتقارۋ كەزىندە جاقىندارىنىڭ قايتىس بولۋىنا بايلانىستى ماتەريالدىق زالال مەن مورالدىق زياننىڭ ورنىن تولتىرۋدى تالاپ ەتتى.
"سوت تالاپكەرلەرگە كەلتىرىلگەن مورالدىق ازاپتىڭ سيپاتىن، ەمدەلۋدىڭ ۇزاق كەزەڭىن جانە ورنى تولماس شىعىننان كەيىن قالپىنا كەلتىرۋدى ەسكەرە وتىرىپ، دەنساۋلىققا كەلتىرىلگەن زياننىڭ اۋىرلىعىن نازارعا الىپ، تالاپكەرلەردىڭ تالاپتارىن ءىشىنارا قاناعاتتاندىردى. اسكەري بولىمنەن ءارقايسىسىنا 1،4 ملن كولەمىندە ماتەريالدىق زالال جانە 4 ملن تەڭگە مولشەرىندە مورالدىق زيان وتەلدى"، - دەپ حابارلادى بايزاق اۋداندىق سوتىنداعىلار.
سوت ۇكىمى زاڭدى كۇشىنە ەنگەن جوق.
ەسكە سالايىق، 2021 جىلعى 26 تامىزدا جامبىل وبلىسىنىڭ بايزاق اۋدانىندا قارۋ-جاراق قويماسى جارىلدى. سالدارىنان قاينار، ءۇشبۇلاق، جىبەك جولى اۋىلدارىندا 35 اۋلا جانە 12 كاسىپكەرلىك نىسان ءبۇلىندى. جامبىل اكىمدىگىنىڭ حابارلاۋىنشا، قيراعان نىسانداردى قالپىنا كەلتىرۋگە 430 ميلليون تەڭگەدەن استام قارجى ءبولىندى.
تراگەديا سالدارىنان 18 ادام قازا تاپتى. ايتىس بولعانداردىڭ ىشىندە باۋىرجان داۋىتبايەۆتىڭ سۇيەگى ءبىر جىلدان كەيىن تابىلدى. جۇزگە جۋىق ادام جارالانىپ، جۇزدەگەن ادام باسقا جەرگە كوشىرىلگەن-دى. قازا تاپقاندار اراسىندا توتەنشە جاعداي قىزمەتىنىڭ، پروكۋراتۋرانىڭ قىزمەتكەرلەرى مەن اسكەريلەر بولدى.
رەسمي مالىمەت بويىنشا، جارىلىس شىعىنى 25 ملرد تەڭگە.
2021 جىلدىڭ 29 قازانىندا بايزاقتاعى جارىلىس قۇرباندارىنا بايلانىستى جالپىۇلتتىق ازا تۇتۋ كۇنى جاريالاندى.
