2021 jyly Jambyl oblysyndaǵy Baizaq aýdanyndaǵy áskeri bólimde bolǵan jarylysta qaza tapqandardyń jaqyndaryna ótemaqy beriletin boldy, - dep habarlaidy Dalanews.kz.
Bul joly jábirlenýshiler qyzmettik mindetterin atqarý kezinde jaqyndarynyń qaitys bolýyna bailanysty materialdyq zalal men moraldyq ziiannyń ornyn toltyrýdy talap etti.
"Sot talapkerlerge keltirilgen moraldyq azaptyń sipatyn, emdelýdiń uzaq kezeńin jáne orny tolmas shyǵynnan keiin qalpyna keltirýdi eskere otyryp, densaýlyqqa keltirilgen ziiannyń aýyrlyǵyn nazarǵa alyp, talapkerlerdiń talaptaryn ishinara qanaǵattandyrdy. Áskeri bólimnen árqaisysyna 1,4 mln kóleminde materialdyq zalal jáne 4 mln teńge mólsherinde moraldyq ziian óteldi", - dep habarlady Baizaq aýdandyq sotyndaǵylar.
Sot úkimi zańdy kúshine engen joq.
Eske salaiyq, 2021 jylǵy 26 tamyzda Jambyl oblysynyń Baizaq aýdanynda qarý-jaraq qoimasy jaryldy. Saldarynan Qainar, Úshbulaq, Jibek joly aýyldarynda 35 aýla jáne 12 kásipkerlik nysan búlindi. Jambyl ákimdiginiń habarlaýynsha, qiraǵan nysandardy qalpyna keltirýge 430 million teńgeden astam qarjy bólindi.
Tragediia saldarynan 18 adam qaza tapty. aitys bolǵandardyń ishinde Baýyrjan Dáýitbaevtyń súiegi bir jyldan keiin tabyldy. Júzge jýyq adam jaralanyp, júzdegen adam basqa jerge kóshirilgen-di. Qaza tapqandar arasynda tótenshe jaǵdai qyzmetiniń, prokýratýranyń qyzmetkerleri men áskeriler boldy.
Resmi málimet boiynsha, jarylys shyǵyny 25 mlrd teńge.
2021 jyldyń 29 qazanynda Baizaqtaǵy jarylys qurbandaryna bailanysty jalpyulttyq aza tutý kúni jariialandy.
