2026 jylǵy 28 qyrkúiektegi jaǵdai boiynsha Qazaqstannyń memlekettik orman qory aýmaǵynda 5 orman órti tirkeldi, dep habarlaidy dalanews.kz.
Óńirler boiynsha Jetisý oblysynda bir, Qostanai oblysynda eki órt anyqtalǵan. Sonymen qatar «Kókshetaý» memlekettik ulttyq tabiǵi parkinde bir jáne «Ile-Alataý» memlekettik ulttyq tabiǵi parkinde bir órt tirkeldi.
Órt oshaqtary memlekettik orman kúzetiniń jerústi patrýldeýi jáne erte anyqtaý júieleri arqyly der kezinde anyqtalǵan.
Órt tirkelgen sátten bastap orman kúzetiniń qyzmetkerleri, qajetti kúshter men arnaiy tehnika jedel jumyldyrylǵan. «Qazaviaormanqorǵaý» RMQK-nyń sý tógetin qurylǵymen jabdyqtalǵan tikushaǵy da órtti oqshaýlaý jáne tolyq sóndirý jumystaryna qatysty.
Órttiń ári qarai taralýyna jol bermeý úshin barlyq qajetti sharalar qabyldanyp, jaǵdai turaqty baqylaýda ustalyp otyr.
Quzyrly organdar órt qaýipti kezeńde azamattardy tabiǵat aiasynda demalý kezinde órt qaýipsizdigi talaptaryn qatań saqtaýǵa shaqyrdy.
