باكۋدا بۇۇ-نىڭ COP29 كليماتتىڭ وزگەرۋى جونىندەگى كونفەرەنسياسى اياسىندا ەنەرگەتيكا ۆيسە-مينيسترى سۇڭعات ەسىمحانوۆ اتوم ەنەرگياسىن پايدالانۋدى ءۇش ەسە ارتتىرۋ بويىنشا كۇش-جىگەردى ىلگەرىلەتۋ جونىندەگى حالىقارالىق ءىس-شاراعا قاتىستى، دەپ حابارلايدى Dalanews.kz.
ۆيسە-مينيستر ءوز سوزىندە پاريج كەلىسىمىنىڭ ماقساتتارىن ورىنداۋ ءۇشىن الەمدىك ەكونوميكانى دەكاربونيزاسيالاۋدى جەدەلدەتۋگە جانە پارنيكتىك گازدار شىعارىندىلارىن ازايتۋعا باعىتتالعان 2050 جىلعا قاراي اتوم ەنەرگەتيكاسىن ءۇش ەسە ۇلعايتۋ جونىندەگى دەكلاراسياعا قازاقستاننىڭ قوسىلاتىنىن جاريالادى.
"قازاقستاننىڭ 2050 جىلعا قاراي اتوم ەنەرگياسىن ءۇش ەسە ۇلعايتۋ تۋرالى دەكلاراسياعا قوسىلۋى – تۇراقتى جانە ەكولوگيالىق تازا بولاشاققا جاسالعان ماڭىزدى قادامىمىز. ءبىز ەنەرگەتيكالىق قاۋىپسىزدىكتى نىعايتىپ قانا قويماي، ورتاق ماقساتقا جەتۋ ءۇشىن الەمدىك قوعامداستىقپەن ىنتىماقتاسا وتىرىپ، كومىرتەگى شىعارىندىلارىنىڭ جاھاندىق تومەندەۋىنە ەلەۋلى ۇلەس قوسۋعا تىرىسامىز"، - دەپ اتاپ ءوتتى ەنەرگەتيكا ۆيسە-مينيسترى.
پاريج كەلىسىمىنىڭ العاشقى جاھاندىق شولۋى اياسىندا اتوم ەنەرگەتيكاسى تەمپەراتۋرانىڭ 1،5 °س ءوسۋىن شەكتەۋ ماقساتىنا جەتۋدىڭ نەگىزگى شەشىمدەرىنىڭ ءبىرى رەتىندە تانىلدى.
قازىرگى ۋاقىتتا دەكلاراسياعا 26 مەملەكەت قوسىلدى: ارمەنيا، بولگاريا، كانادا، حورۆاتيا، چەحيا، فينليانديا، فرانسيا، گانا، ماجارستان، يامايكا، وڭتۇستىك كورەيا، مولدوۆا، موڭعوليا، ماروككو، نيدەرلاندى، پولشا، رۋمىنيا، سلوۆاكيا، سلوۆەنيا، شۆەسيا، ۋكراينا، ءباا، ۇلىبريتانيا، جاپونيا، امەريكا قۇراما شتاتتارى جانە ونىڭ ىشىندە قازاقستان.
قازاقستاننىڭ اتوم ەنەرگەتيكاسىن ءۇش ەسە ۇلعايتۋ تۋرالى دەكلاراسياعا قوسىلۋى ەلدىڭ ورنىقتى دامۋ ماقساتتارىنا بەيىلدىلىگىن جانە كليماتتىڭ وزگەرۋىنە قارسى كۇرەسكە ەلەۋلى ۇلەس قوسۋعا دايىن ەكەندىگىن بىلدىرەدى. قازاقستان اتوم ەنەرگەتيكاسىن 2060 جىلعا قاراي كومىرتەگى بەيتاراپتىعىنا قول جەتكىزۋگە، تازا ەنەرگيا كوزدەرىنىڭ ۇلەسىن ۇلعايتۋعا جانە سەنىمدى ەنەرگيامەن جابدىقتاۋدى قامتاماسىز ەتۋگە مۇمكىندىك بەرەتىن ءوزىنىڭ بولاشاق ەنەرگيا تەڭگەرىمىنىڭ ماڭىزدى كومپونەنتتەرىنىڭ ءبىرى رەتىندە قاراستىرادى.
قازاقستان بەيبىت اتومدى دامىتۋ جونىندەگى حالىقارالىق باستامالارعا بەلسەندى قاتىسۋعا جانە وسى سالاداعى جەتەكشى مەملەكەتتەرمەن جانە حالىقارالىق ۇيىمدارمەن ىنتىماقتاستىقتى كەڭەيتۋگە نيەتتى.
"فرانسيا، موڭعوليا، بىشكەك، اەس مۇمكىندىگى: توقايەۆتىڭ كەيىنگى ساپارلارىنىڭ قازاقستان ءۇشىن ماڭىزى قانداي". الدىندا سايتىمىزدا وسى تاقىرىپتا ساراپشى پىكىرى نەگىزىندەگى ماقالا جاريالانعان بولاتىن.
