قارىنداسىن جوعالتقان زاعيپ كەسٸپكەر ەدٸلدٸك ٷشٸن كٷرەسٸپ جٷر

سوڭعى كٷندەرٸ ەلەۋمەتتٸك جەلٸدە بالقاش قالالىق اۋرۋحاناسىنا قاتىستى سوت شەشٸمٸ قىزۋ تالقىلانىپ جاتىر, دەپ حابارلايدى dalanews.kz.

بۇل ٸستٸ كٶپشٸلٸككە جەتكٸزٸپ جٷرگەن - كەسٸپكەر ەرٸ قوعام بەلسەندٸسٸ ايتبەك اۋلباەۆ. ول بٸرنەشە جىلدان بەرٸ قارىنداسى مەرۋەرت اۋلباەۆانىڭ ٶلٸمٸنە كٸنەلٸلەردٸڭ جاۋاپقا تارتىلۋىن تالاپ ەتٸپ كەلەدٸ.

ايتبەك اۋلباەۆ كٶپشٸلٸككە ەڭ الدىمەن قارىنداسىنىڭ قازاسىنا بايلانىستى ەدٸلدٸك ٸزدەگەن ازامات رەتٸندە تانىلدى. الايدا ونىڭ ٶمٸر جولى بۇعان دەيٸن دە اۋىر سىناقتارعا تولى بولعان.

2011 جىلى ايتبەك اۋلباەۆ اۋىر جول-كٶلٸك وقيعاسىنا تٷسٸپ, ەكٸ كٶزٸنەن بٸردەي ايىرىلدى. دەرٸگەرلەر وعان كٶرۋ جٷيكەسٸنٸڭ اتروفيياسى دياگنوزىن قويعان. سوعان قاراماستان ول ٶمٸردەن قول ٷزبەي, كەسٸپكەرلٸكپەن اينالىستى, MBA باعدارلاماسىن تەمامدادى, قوعامدىق جۇمىستارعا ارالاستى. قازٸر ەلەۋمەتتٸك جەلٸدە مىڭداعان وقىرمانى بار قوعام بەلسەندٸسٸ رەتٸندە تانىلعان.

2023 جىلى ايتبەك اۋلباەۆتىڭ قارىنداسى مەرۋەرت اۋلباەۆا ٸشٸ اۋىرىپ, بالقاش قالالىق اۋرۋحاناسىنا بٸرنەشە رەت جٷگٸنگەن. ايتبەك اۋلباەۆتىڭ ايتۋىنشا, العاشقى ەكٸ رەت دەرٸگەرلەر ونى ٷيٸنە قايتارعان. تەك جاعدايى كٷرت ناشارلاعان كەزدە عانا وعان اپپەنديتسيت پەن جايىلعان پەريتونيت دياگنوزى قويىلىپ, شۇعىل وتا جاسالعان.

الايدا وپەراتسييادان كەيٸن ەيەلدٸڭ جاعدايى جاقسارماي, سەپسيس دامىعان. كەيٸن بٸرنەشە مەرتە قايتا وپەراتسييا جاسالعانىمەن, 2023 جىلدىڭ قاراشا ايىندا مەرۋەرت اۋلباەۆا قايتىس بولدى. ايتبەك اۋلباەۆ قارىنداسىنىڭ ٶلٸمٸنە دەرٸگەرلەردٸڭ سالعىرتتىعى سەبەپ بولدى دەپ ەسەپتەپ, قۇقىق قورعاۋ ورگاندارىنا, دەنساۋلىق ساقتاۋ مينيسترلٸگٸنە جەنە پرەزيدەنت ەكٸمشٸلٸگٸنە بٸرنەشە رەت جٷگٸندٸ.

قوعام بەلسەندٸسٸ بٸرنەشە رەت جارييالاعان بەينەٷندەۋلەرٸندە مەسەلەنٸڭ تەك ٶزٸنٸڭ وتباسىنا قاتىستى ەمەس ەكەنٸن ايتقان.

«مەن ٶزٸم زاعيپ اداممىن. بٸراق بۇل ٸستٸ سوڭىنا دەيٸن جەتكٸزەمٸن. XXI عاسىردا ادامدار اپپەنديتسيتتەن قايتىس بولماۋى كەرەك. ەگەر بٷگٸن ٷندەمەسەك, ەرتەڭ دەل وسىنداي جاعداي باسقا بٸر وتباسىنىڭ باسىنا تٷسۋٸ مٷمكٸن», – دەگەن بولاتىن ايتبەك اۋلباەۆ.

ونىڭ ايتۋىنشا, باستى ماقساتى – بٸر عانا دەرٸگەردٸ جازالاۋ ەمەس, پاتسيەنتتەردٸڭ قۇقىعىن قورعاۋ جەنە مەديتسينالىق كٶمەكتٸڭ ساپاسىنا قوعام نازارىن اۋدارۋ.

بٸر جىلدان استام ۋاقىتقا سوزىلعان تەرگەۋدەن كەيٸن قىلمىستىق ٸس سوتقا جولداندى. ال ازاماتتىق تالاپ بويىنشا بالقاش قالالىق سوتى تالاپتى ٸشٸنارا قاناعاتتاندىردى.

ايتبەك اۋلباەۆتىڭ مەلٸمەتٸنشە, سوت بالقاش قالالىق اۋرۋحاناسىنان:

•⁠  ⁠2 ميلليون تەڭگە ماتەريالدىق شىعىن;
•⁠  ⁠10 ميلليون تەڭگە مورالدىق ٶتەماقى;
•⁠  ⁠سوت شىعىندارىن ٶندٸرۋ تۋرالى شەشٸم شىعارعان.

بۇل تۋرالى ول ٶزٸنٸڭ ەلەۋمەتتٸك جەلٸدەگٸ پاراقشاسىندا حابارلاپ, مۇنداي شەشٸم جاقىنىن قايتارمايتىنىن, بٸراق ەدٸلدٸككە جاسالعان ماڭىزدى قادام ەكەنٸن جازدى.

سوڭعى ۋاقىتتا ايتبەك اۋلباەۆ ەلەۋمەتتٸك جەلٸ ارقىلى رەزونانستى ٸستەرگە پٸكٸر بٸلدٸرٸپ, ازاماتتاردىڭ قۇقىقتارىن قورعاۋ مەسەلەلەرٸن كٶتەرٸپ كەلەدٸ. ول مەديتسينالىق قاتەلٸكتەرگە قاتىستى زاڭنامانى جەتٸلدٸرۋ, دەرٸگەرلەردٸڭ جاۋاپكەرشٸلٸگٸن كٷشەيتۋ جەنە پاتسيەنتتەردٸڭ قۇقىقتارىن قورعاۋ مەسەلەلەرٸن تۇراقتى تٷردە قوزعاپ جٷر.

ايتبەك اۋلباەۆتىڭ ايتۋىنشا, ونىڭ كٷرەسٸ تەك قارىنداسىنىڭ ٸسٸمەن شەكتەلمەيدٸ. ول مۇنداي قايعىلى وقيعالاردىڭ قايتالانباۋىنا ىقپال ەتەتٸن جٷيەلٸ ٶزگەرٸستەرگە قول جەتكٸزۋدٸ ماقسات ەتەدٸ.