يران ەسكەرٸ جۇما كٷنٸ سيرييا, ومان, كاتار, باحرەين, كۋۆەيت جەنە يوردانيياداعى اقش-تىڭ ەسكەري نىساندارىنا سوققى جاساعانىن مەلٸمدەدٸ. تەگەران مۇنى اقش-تىڭ يران اۋماعىنا جاساعان شابۋىلدارىنا جاۋاپ رەتٸندە تٷسٸندٸردٸ, دەپ حابارلايدى dalanews.kz.
يراننىڭ يسلام رەۆوليۋتسيياسى ساقشىلار كورپۋسىنىڭ (كسير) مەلٸمەتٸنشە, شابۋىلداردىڭ نەگٸزگٸ نىسانالارى راديولوكاتسييالىق ستانتسييالار (رلس), تٸكۇشاقتار مەن ەسكەري ۇشاقتار ورنالاسقان بازالار, سونداي-اق كوماندالىق ورتالىقتار, كازارمالار جەنە لوگيستيكالىق ورتالىقتار بولعان.
كسير مەلٸمدەۋٸنشە, كاتارداعى اقش-تىڭ ەل-ۋدەيد ەسكەري بازاسىندا جانارماي قۇيۋعا ارنالعان ەسكەري ۇشاقتار مەن الىس قاشىقتىقتان انىقتايتىن راديولوكاتسييالىق ستانتسييا جويىلعان. سونىمەن قاتار يوردانيياداعى امەريكالىق جويعىش ۇشاقتار مەن جانارماي قۇيۋ ۇشاقتارىنا, باحرەيندەگٸ ساحير بازاسىنداعى اقش ەۋە كٷشتەرٸنٸڭ تٸكۇشاقتارى مەن ۇشاقتارى ورنالاسقان ورىندارعا سوققى جاسالعان.
سونداي-اق كسير كۋۆەيتتە ورنالاسقان HIMARS زىمىران كەشەندەرٸنٸڭ ۇشىرۋ قوندىرعىلارى جويىلعانىن حابارلادى. بۇدان بٶلەك, اقش ەسكەرٸ مەن «اقش پەن يزرايلدٸ قولدايتىن كونتررەۆوليۋتسييالىق جالدامالىلار» ورنالاسقان ورىندارعا سوققى بەرٸلٸپ, كٶپتەگەن ارنايى جاساق ساربازدارى مەن قارۋلى توپ ٶكٸلدەرٸ جويىلعانى ايتىلدى.
اقش-تىڭ شابۋىلدارىنا جاۋاپ رەتٸندە يران ەسكەرٸ سيرييانىڭ وڭتٷستٸك-باتىسىنداعى ات-تانف اۋدانىندا ورنالاسقان قارسى تاراپتىڭ ارنايى وپەراتسييالار كٷشتەرٸنٸڭ كوماندالىق ورتالىعىنا دا سوققى جاساعان.
كسير مەلٸمدەمەسٸندە بۇل شابۋىل سالدارىنان راديولوكاتسييالىق ستانتسييالار, بٸرنەشە ارنايى وپەراتسييالارعا ارنالعان تٸكۇشاق جەنە كٶپتەگەن ەسكەري قىزمەتكەر جويىلعانى ايتىلعان.
سونىمەن قاتار يران ەسكەرٸ ومانداعى امەريكالىق رادارلارعا دا سوققى جاساعانىن حابارلادى. كسير دەرەگٸنە سەيكەس, سالاما اۋدانىنداعى تەڭٸزدٸ باقىلاۋ رادارى مەن عانام اۋدانىنداعى ەۋە كەڭٸستٸگٸن باقىلاۋ رادارى جويىلعان.
يران تاراپىنىڭ مەلٸمەتٸنشە, يوردانييادا ورنالاسقان بٸرنەشە امەريكالىق جانارماي قۇيۋ ۇشاعى مەن جويعىش ۇشاق بالليستيكالىق زىمىراندار مەن ۇشقىشسىز ۇشۋ اپپاراتتارىنىڭ شابۋىلى نەتيجەسٸندە جويىلعان.
بۇدان بٶلەك, كسير ەسكەري-تەڭٸز كٷشتەرٸنٸڭ قولباسشىلىعى تاياۋ شىعىستاعى اقش ەسكەري-تەڭٸز فلوتىنا قارسى ىقتيمال وپەراتسييا ۋاقىتى جاقىنداپ قالعانىن ەسكەرتتٸ.
