Iran áskeri juma kúni Siriia, Oman, Katar, Bahrein, Kýveit jáne Iordaniiadaǵy AQSh-tyń áskeri nysandaryna soqqy jasaǵanyn málimdedi. Tegeran muny AQSh-tyń Iran aýmaǵyna jasaǵan shabýyldaryna jaýap retinde túsindirdi, dep habarlaidy dalanews.kz.
Irannyń Islam revoliýtsiiasy saqshylar korpýsynyń (KSIR) málimetinshe, shabýyldardyń negizgi nysanalary radiolokatsiialyq stantsiialar (RLS), tikushaqtar men áskeri ushaqtar ornalasqan bazalar, sondai-aq komandalyq ortalyqtar, kazarmalar jáne logistikalyq ortalyqtar bolǵan.
KSIR málimdeýinshe, Katardaǵy AQSh-tyń Ál-Ýdeid áskeri bazasynda janarmai quiýǵa arnalǵan áskeri ushaqtar men alys qashyqtyqtan anyqtaityn radiolokatsiialyq stantsiia joiylǵan. Sonymen qatar Iordaniiadaǵy amerikalyq joiǵysh ushaqtar men janarmai quiý ushaqtaryna, Bahreindegi Sahir bazasyndaǵy AQSh Áýe kúshteriniń tikushaqtary men ushaqtary ornalasqan oryndarǵa soqqy jasalǵan.
Sondai-aq KSIR Kýveitte ornalasqan HIMARS zymyran keshenderiniń ushyrý qondyrǵylary joiylǵanyn habarlady. Budan bólek, AQSh áskeri men «AQSh pen Izraildi qoldaityn kontrrevoliýtsiialyq jaldamalylar» ornalasqan oryndarǵa soqqy berilip, kóptegen arnaiy jasaq sarbazdary men qarýly top ókilderi joiylǵany aityldy.
AQSh-tyń shabýyldaryna jaýap retinde Iran áskeri Siriianyń ońtústik-batysyndaǵy At-Tanf aýdanynda ornalasqan qarsy taraptyń arnaiy operatsiialar kúshteriniń komandalyq ortalyǵyna da soqqy jasaǵan.
KSIR málimdemesinde bul shabýyl saldarynan radiolokatsiialyq stantsiialar, birneshe arnaiy operatsiialarǵa arnalǵan tikushaq jáne kóptegen áskeri qyzmetker joiylǵany aitylǵan.
Sonymen qatar Iran áskeri Omandaǵy amerikalyq radarlarǵa da soqqy jasaǵanyn habarlady. KSIR deregine sáikes, Salama aýdanyndaǵy teńizdi baqylaý radary men Ǵanam aýdanyndaǵy áýe keńistigin baqylaý radary joiylǵan.
Iran tarapynyń málimetinshe, Iordaniiada ornalasqan birneshe amerikalyq janarmai quiý ushaǵy men joiǵysh ushaq ballistikalyq zymyrandar men ushqyshsyz ushý apparattarynyń shabýyly nátijesinde joiylǵan.
Budan bólek, KSIR Áskeri-teńiz kúshteriniń qolbasshylyǵy Taiaý Shyǵystaǵy AQSh áskeri-teńiz flotyna qarsy yqtimal operatsiia ýaqyty jaqyndap qalǵanyn eskertti.
