2022 جىلدان بەرٸ حالىقارالىق ٸزدەۋدە جٷرگەن الاياقتىققا كٷدٸكتٸ تٷركييادان قازاقستانعا ەكستراديتسييالاندى, دەپ حابارلايدى dalanews.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, سولتٷستٸك قازاقستان وبلىسى پوليتسييا دەپارتامەنتٸنٸڭ كريمينالدىق پوليتسييا باسقارماسى مەن ٸٸم كريمينالدىق پوليتسييا دەپارتامەنتٸ قىزمەتكەرلەرٸ قازاقستاننىڭ انتاليياداعى باس كونسۋلدىعىنىڭ قولداۋىمەن 30 جاستاعى قازاقستان ازاماتىن ۇستاعان.
16 شٸلدەدە كٷدٸكتٸ تٷركييا رەسپۋبليكاسىنان قازاقستانعا دەپورتاتسييالاندى. ونىڭ ەلگە قايتارىلۋىنا قازاقستاننىڭ انتاليياداعى باس كونسۋلدىعى مەن ٸٸم قىزمەتكەرلەرٸ جەردەم كٶرسەتكەن.
تەرگەۋ نۇسقاسى بويىنشا, كٷدٸكتٸ 2021 جىلدىڭ تامىزى مەن قىركٷيەگٸ ارالىعىندا سىبايلاستارىمەن بٸرگە جەبٸرلەنۋشٸلەردٸڭ سەنٸمٸنە كٸرٸپ, الاياقتىق جولمەن 6 ميلليون تەڭگەدەن استام قاراجاتتى يەمدەنگەن.
قازٸرگٸ ۋاقىتتا كٷدٸكتٸ قىلمىستىق ٸس اياسىندا تەرگەۋ ورگاندارىنا تاپسىرىلدى. تەرگەۋ جالعاسىپ جاتىر.
