Bakýda BUU-nyń COP29 klimattyń ózgerýi jónindegi konferentsiiasy aiasynda Energetika vitse-ministri Suńǵat Esimhanov atom energiiasyn paidalanýdy úsh ese arttyrý boiynsha kúsh-jigerdi ilgeriletý jónindegi halyqaralyq is-sharaǵa qatysty, dep habarlaidy Dalanews.kz.
Vitse-ministr óz sózinde Parij kelisiminiń maqsattaryn oryndaý úshin álemdik ekonomikany dekarbonizatsiialaýdy jedeldetýge jáne parniktik gazdar shyǵaryndylaryn azaitýǵa baǵyttalǵan 2050 jylǵa qarai atom energetikasyn úsh ese ulǵaitý jónindegi deklaratsiiaǵa Qazaqstannyń qosylatynyn jariialady.
"Qazaqstannyń 2050 jylǵa qarai atom energiiasyn úsh ese ulǵaitý týraly Deklaratsiiaǵa qosylýy – turaqty jáne ekologiialyq taza bolashaqqa jasalǵan mańyzdy qadamymyz. Biz energetikalyq qaýipsizdikti nyǵaityp qana qoimai, ortaq maqsatqa jetý úshin álemdik qoǵamdastyqpen yntymaqtasa otyryp, kómirtegi shyǵaryndylarynyń jahandyq tómendeýine eleýli úles qosýǵa tyrysamyz", - dep atap ótti Energetika vitse-ministri.
Parij kelisiminiń alǵashqy jahandyq sholýy aiasynda atom energetikasy temperatýranyń 1,5 °S ósýin shekteý maqsatyna jetýdiń negizgi sheshimderiniń biri retinde tanyldy.
Qazirgi ýaqytta deklaratsiiaǵa 26 memleket qosyldy: Armeniia, Bolgariia, Kanada, Horvatiia, Chehiia, Finliandiia, Frantsiia, Gana, Majarstan, Iamaika, Ońtústik Koreia, Moldova, Mońǵoliia, Marokko, Niderlandy, Polsha, Rýmyniia, Slovakiia, Sloveniia, Shvetsiia, Ýkraina, BAÁ, Ulybritaniia, Japoniia, Amerika Qurama Shtattary jáne onyń ishinde Qazaqstan.
Qazaqstannyń atom energetikasyn úsh ese ulǵaitý týraly deklaratsiiaǵa qosylýy eldiń ornyqty damý maqsattaryna beiildiligin jáne klimattyń ózgerýine qarsy kúreske eleýli úles qosýǵa daiyn ekendigin bildiredi. Qazaqstan atom energetikasyn 2060 jylǵa qarai kómirtegi beitaraptyǵyna qol jetkizýge, taza energiia kózderiniń úlesin ulǵaitýǵa jáne senimdi energiiamen jabdyqtaýdy qamtamasyz etýge múmkindik beretin óziniń bolashaq energiia teńgeriminiń mańyzdy komponentteriniń biri retinde qarastyrady.
Qazaqstan beibit atomdy damytý jónindegi halyqaralyq bastamalarǵa belsendi qatysýǵa jáne osy saladaǵy jetekshi memlekettermen jáne halyqaralyq uiymdarmen yntymaqtastyqty keńeitýge nietti.
"Frantsiia, Mońǵoliia, Bishkek, AES múmkindigi: Toqaevtyń keiingi saparlarynyń Qazaqstan úshin mańyzy qandai". Aldynda saitymyzda osy taqyrypta sarapshy pikiri negizindegi maqala jariialanǵan bolatyn.
