وسىدان 32 جىل بۇرىن توپتىق زورلىق كٶرگەنٸن ايتقان ناتاليا قالىمبەتوۆا پرەزيدەنت قاسىم-جومارت توقاەۆقا بەينەٷندەۋ جاساپ, قىلمىستىق ٸستٸڭ تەرگەلۋٸن جەكە باقىلاۋىنا الۋدى سۇرادى, دەپ حابارلايدى dalanews.kz.
جەبٸرلەنۋشٸنٸڭ ايتۋىنشا, ۇزاق جىلدار بۇرىن بولعان قىلمىس بويىنشا تەرگەۋ توقىراۋعا تٸرەلگەن. ونىڭ سٶزٸنشە, ٸس بويىنشا كٷدٸكتٸلەر دە, كۋەگەرلەر دە جوق, ال باستى دەلەل رەتٸندە اقش-تا تۇرىپ جاتقان قىزى عانا قالعان.
«قازٸر ٸس بٸر ورىندا تۇر. سەبەبٸ كۋەگەرلەر دە, دەلەلدەر دە جوق. جالعىز دەلەلٸم – مەنٸ اياۋسىز زورلاعان ادامداردان دٷنيەگە كەلگەن قىزىم. مەنٸڭ بٸلۋٸمشە, قىزىم اقش-تا تۇرادى. ەگەر دنق ساراپتاماسى جٷرگٸزٸلسە, ەكەلٸك فاكتٸسٸ انىقتالىپ, قىلمىس دەلەلدەنەر ەدٸ», – دەدٸ ناتاليا قالىمبەتوۆا.
ونىڭ ايتۋىنشا, 17 جاسىندا بٸرنەشە ادامنىڭ زورلىعىنا ۇشىراعاننان كەيٸن جٷكتٸ بولعان. الايدا وتباسى مەن وقۋ ورنى ەكٸمشٸلٸگٸنٸڭ قىسىمىمەن دٷنيەگە كەلگەن قىزىن پەرزەنتحانادا قالدىرۋعا مەجبٷر بولعان. كەيٸن سەبي باسقا وتباسىعا اسىراپ بەرٸلگەن.
جەبٸرلەنۋشٸ تەرگەۋ ورگاندارى دنق ساراپتاماسىن جٷرگٸزۋگە قاتىستى ناقتى نەتيجە كٶرسەتپەي وتىرعانىن ايتىپ, مەملەكەت باسشىسىنان ٸستٸ جەكە باقىلاۋىنا الۋدى ٶتٸندٸ.
بۇعان دەيٸن ناتاليا قالىمبەتوۆا ەلەۋمەتتٸك جەلٸدە 32 جىل بۇرىن باتىس قازاقستان وبلىسىنداعى اۋىلداردىڭ بٸرٸندە تٶرت جەرگٸلٸكتٸ تۇرعىننىڭ تاراپىنان توپتىق زورلىققا ۇشىراعانىن مەلٸمدەگەن بولاتىن. قوعامدىق رەزونانستان كەيٸن باتىس قازاقستان وبلىسىنىڭ پوليتسييا دەپارتامەنتٸ قىلمىستىق ٸس قوزعادى.
تەرگەۋ ەرەكەتتەرٸنە قاتىسۋ ٷشٸن قالىمبەتوۆا تايلاندتان قازاقستانعا كەلٸپ, وقيعا ورنىنا بارىپ, رەسمي جاۋاپ بەرگەن. الايدا قازٸرگٸ ۋاقىتتا ٸس بويىنشا ەشكٸم كٷدٸكتٸ رەتٸندە تانىلماعان جەنە ەشكٸم ۇستالعان جوق.
