تالعار اۋدانىنىڭ پوليتسەيلەرٸ ميلليونداعان شىعىنى بار الاياقتىق جاساپ قاماۋعا تٷسكەن كٷدٸكتٸنٸڭ قىرىقىنشى ەپيزودىن انىقتادى, – دەپ حابارلايدى Dalanews.kz.
– سوتقا دەيٸنگٸ تەرگەۋ بارىسىندا بٸرقاتار قىلمىستار ٷشٸن تەرگەۋ جٷرٸپ, 27 جاستاعى كٷدٸكتٸگە بايلانىستى الاياقتىقتىڭ جاڭا فاكتٸسٸ انىقتالدى. بەلگٸلٸ بولعانداي, ول قاراعاندىنىڭ تۇرعىنىن جەڭٸلدٸكپەن نەسيە الۋعا كٶمەكتەسۋگە ۋەدە بەرٸپ, وعان 3,5 ميلليون تەڭگە كٶلەمٸندە زالال كەلتٸرٸپ, الداعان. بۇل ٸس ايىپتالۋشىنىڭ ٸسٸندەگٸ 40-شى ەپيزود بولدى جەنە سوتقا بەرۋ ٷشٸن نەگٸزگٸ قىلمىستىق ٸسكە قوسىلدى, – دەپ حابارلادى پوليتسييا.
قازٸر الاياقتىڭ قۇرباندارىنا كەلتٸرٸلگەن جالپى شىعىن 80 ميلليون تەڭگەدەن استام سومانى قۇراپ وتىر. پوليتسييا كٷدٸكتٸنٸڭ باسقا دا وسىنداي قىلمىستارعا قاتىسى بار-جوعىن تەكسەرۋدٸ جالعاستىرۋدا.
قۇقىق قورعاۋ ورگاندارى وسىنداي الاياقتىق سحەمالاردان زارداپ شەككەن ازاماتتاردى دەرەۋ پوليتسيياعا جٷگٸنۋگە كەڭەس بەرۋدە. بۇل بارلىق زارداپ شەككەندەردٸ انىقتاۋعا جەنە كٸنەلٸنٸ زاڭعا سەيكەس جاۋاپقا تارتۋعا كٶمەكتەسەدٸ.
