Talǵar aýdanynyń politseileri milliondaǵan shyǵyny bar alaiaqtyq jasap qamaýǵa túsken kúdiktiniń qyryqynshy epizodyn anyqtady, – dep habarlaidy Dalanews.kz.
– Sotqa deiingi tergeý barysynda birqatar qylmystar úshin tergeý júrip, 27 jastaǵy kúdiktige bailanysty alaiaqtyqtyń jańa faktisi anyqtaldy. Belgili bolǵandai, ol Qaraǵandynyń turǵynyn jeńildikpen nesie alýǵa kómektesýge ýáde berip, oǵan 3,5 million teńge kóleminde zalal keltirip, aldaǵan. Bul is aiyptalýshynyń isindegi 40-shy epizod boldy jáne sotqa berý úshin negizgi qylmystyq iske qosyldy, – dep habarlady politsiia.
Qazir alaiaqtyń qurbandaryna keltirilgen jalpy shyǵyn 80 million teńgeden astam somany qurap otyr. Politsiia kúdiktiniń basqa da osyndai qylmystarǵa qatysy bar-joǵyn tekserýdi jalǵastyrýda.
Quqyq qorǵaý organdary osyndai alaiaqtyq shemalardan zardap shekken azamattardy dereý politsiiaǵa júginýge keńes berýde. Bul barlyq zardap shekkenderdi anyqtaýǵa jáne kinálini zańǵa sáikes jaýapqa tartýǵa kómektesedi.
