تاياۋدا جاڭاٶزەندە قالا ەكٸمٸ جانسەيت قاينارباەۆ قالا تۇرعىندارىمەن كەزدەسٸپ, ولاردىڭ مۇڭ-مۇقتاجىنا نازار اۋداردى. وسىنداي كەزدەسۋدە زەينەت جاسىنداعى قالا تۇرعىنى ورتاعا شىعىپ, ەكٸمنەن ٶزٸنٸڭ بالاسىن مۇناي كومپانيياسىنا جۇمىسقا ورنالاستىرۋدى تالاپ ەتتٸ.
مۇنايلى ٶلكەدە تۇراتىن حالىقتىڭ كٶپشٸلٸگٸ مۇناي كومپانييالارىندا جۇمىس ٸستەگەندٸ جٶن كٶرەدٸ. الايدا, بارلىعىن مۇناي كومپانييالارىنا جۇمىسقا ورنالاستىرۋ مٷمكٸن ەمەس. مۇناي كومپانييالارىنا جۇمىسقا قابىلداۋدىڭ ارنايى كەزەگٸ بار.
ەكٸممەن بولعان كەزدەسۋدە جاڭاٶزەندٸك زەينەتكەر «ٶزەنمۇنايگاز» كومپانيياسىنىڭ قولداۋىمەن مۇنايشى ماماندىعىن قىزىل ديپلوممەن بٸتٸرگەن قىزىن مۇناي كومپانيياسىنا جۇمىسقا ورنالاستىرۋدى ٶتٸندٸ.
ٶز كەزەگٸندە ەكٸم مۇناي كومپانييالارىنا جۇمىسقا تۇرۋ ٷشٸن ارنايى كەزەك تٷزٸلگەنٸن ايتىپ, قالا تۇرعىنىنا قىزىن وسى كەزەككە جازىلۋعا جەنە ورتاق تەرتٸپ بويىنشا جۇمىسقا قابىلدانۋعا كەڭەس بەردٸ.
– قازٸر بجب مەكەمەسٸنەن زەينەتكە شىققان بٸرنەشە ازامات بالالارىن كەزەكتەن تىس مۇناي كومپانييالارىنا جۇمىسقا ورنالاستىرۋدى تالاپ ەتۋدە. بۇل – ورىنسىز ٶتٸنٸش. مۇناي كومپانييالارىنا جۇمىسقا تۇرۋ ٷشٸن جٷزدەگەن مامان كەزەكتە تۇر. ولاردىڭ الدىن وراپ, زەينەتكەر مۇنايشىلاردىڭ بالالارىن جۇمىسقا تۇرعىزساق, ەدٸلەتسٸزدٸك بولار ەدٸ. كەزەكتە تۇرعان حالىقتىڭ الدىندا بۇلايشا ەدٸلەتسٸزدٸككە جول بەرۋگە بولمايدى. ولار دا باسقا قاراپايىم ازاماتتار سيياقتى كەزەككە تۇرۋى كەرەك. «مۇنايشىنىڭ بالاسى – مۇنايشى بولۋى كەرەك» دەگەن تالاپ جوق. جاستار باسقا دا ماماندىقتاردى يگەرۋٸ كٷش سالۋى كەرەك, – دەپ ەكٸم ويىن اشىق ايتتى.
