بٷگٸن, 14 قاراشادا الماتىدا كٶرنەكتٸ قازاق جازۋشىسى, جۋرناليست, قازاقستان جازۋشىلار وداعىنىڭ جەنە جۋرناليستەر وداعىنىڭ مٷشەسٸ ەركٸنباي ەكٸمقۇلوۆتىڭ قۇرمەتٸنە وراي مەموريالدىق تاقتانىڭ سالتاناتتى اشىلۋ رەسٸمٸ ٶتتٸ, دەپ حابارلايدى Dalanews.kz.
ەسكەرتكٸش تاقتا 1994-2019 جىلدارى جازۋشى تۇرعان ٷيدٸڭ قابىرعاسىنا, ياعني تٶلەباەۆ كٶشەسٸندەگٸ 187 ٷيگە ورناتىلدى.
ٸس-شارادا ايتۋلى تۇلعانىڭ تۋىستارى مەن جاقىندارى, سونداي-اق الماتى قالاسى مەدەيەت باسقارماسىنىڭ باسشىسى عاني مايلىباەۆ, قازاقستان جازۋشىلار وداعىنىڭ باسقارما تٶراعاسى مەرەكە قۇلكەنوۆ, م.و.ەۋەزوۆ اتىنداعى ەدەبيەت جەنە ٶنەر ينستيتۋتىنىڭ ديرەكتورى كەنجەحان ماتىجانوۆ, قازاقستان جۋرناليستەر وداعى قالالىق فيليالىنىڭ ديرەكتورى ەسەت ماتاەۆ, “قازاق ەدەبيەتٸ” گازەتٸنٸڭ باس رەداكتورى باۋىرجان جاقىپ, مەملەكەت جەنە قوعام قايراتكەرلەر مەن جازۋشىلار تٶبە كٶرسەتتٸ.
“ٶمٸر بولعاننان كەيٸن ونىڭ باسى مەن اياعى بولادى. ال ماعىنالى ٶمٸر ەشقاشان ٶلمەيدٸ. مٸنە, ەركٸنباي اعامىز دا ماعىنالى ٶمٸر سٷرگەن ازاماتتاردان ەدٸ. بٷگٸندە ارتىندا قالعان ەڭبەگٸ مەن ۇرپاعىنىڭ ارقاسىندا اعامىزدىڭ تەگٸ ٶشپەگەنٸن كٶرٸپ وتىرمىز. ونىڭ جازعان كٸتاپتارى مەن جاساعان ەڭبەكتەرٸ جازۋشىلار وداعىنىڭ مٷشەسٸ عانا ەمەس, جۋرناليستيكا سالاسىنا دا قىرۋار ەڭبەگٸ سٸڭگەنٸن كٶرسەتەدٸ. تٸپتٸ, اعامىزدىڭ پارتييادا دا قىزمەت ەتكەنٸ كٶپشٸلٸككە ايان. ەندٸ تاۋ تۇلعانىڭ ەسٸمٸ الماتىنىڭ كٸندٸگٸ سانالعان تٶلەباەۆ كٶشەسٸندە جارقىراپ تۇراتىن بولادى. وسى تۇستا, بارشاڭىزعا العىس ايتقىم كەلەدٸ. بۇل كوميسسييا قالا ەكٸمدٸگٸنٸڭ باستاماسى عانا ەمەس, سونداي-اق ەلدٸڭ زييالى قاۋىم ٶكٸلدەرٸ مٷشەلٸك ەتەتٸن كوميسسييانىڭ دا شەشٸمٸ بولدى. بٷگٸن وسى مەموريالدىق تاقتانىڭ اشىلۋ سالتاناتىنىڭ كۋەسٸ بولىپ وتىرمىز. قالا جۇرتشىلىعىن ايتۋلى كٷنمەن شىن جٷرەكتەن قۇتتىقتايمىن”, - دەپ اتاپ ٶتتٸ الماتى قالاسى مەدەيەت باسقارماسىنىڭ باسشىسى عاني مايلىباەۆ.
سونىمەن قاتار شارا بارىسىندا م.و.ەۋەزوۆ اتىنداعى ەدەبيەت جەنە ٶنەر ينستيتۋتىنىڭ ديرەكتورى كەنجەحان ماتىجانوۆ تا سٶز سٶيلەدٸ.
“ەركٸنباي اعا جايىندا بٸر مەسەلەنٸ ەرەكشە باسا ايتقان جٶن دەپ ويلايمىن. بۇل كٸسٸ — تاعدىرلى جازۋشى. جازۋشى بولۋى ٷشٸن وعان كٷردەلٸ تاعدىر كەرەك دەگەن تەمسٸل سٶز بار. ونىڭ تۋعان جىلىنا نازار سالساڭىزدار 1937 جىل, ياعني قازاقستاندا اتاقتى نەۋبەت بولىپ جاتقان كەز, قۋعىن-سٷرگٸن بەلەڭ الىپ تۇرعان ۋاقىت. ال بالالىق شاعى ەكٸنشٸ دٷنيەجٷزٸلٸك سوعىستىڭ ٶرتٸنە ٶرتەندٸ. سوعىستان كەيٸنگٸ جاعداي دا سٸزدەرگە مەلٸم. جاستىق شاعى سوعىستان كەيٸنگٸ حالىق شارۋاشىلىعىن قالپىنا كەلتٸرۋ سيياقتى اۋىر جىلدارمەن جالعاسىن تاپتى. مٸنە, ول وسى تاعدىرعا قاراماستان, اعىسقا قارسى جٷزە وتىرىپ, ٶز تاعدىرىن ٶزٸ جاساعان جازۋشى”, - دەپ قوستى ول.
ايتا كەتەيٸك, ەركٸنباي ەكٸمقۇلوۆ 1937 جىلى 4 قىركٷيەكتە تٷركٸستان وبلىسىندا دٷنيەگە كەلدٸ. ول تٷرلٸ جانرداعى 20-دان استام كٶركەم شىعارمانىڭ اۆتورى. ونىڭ قاتارىندا “ٶزبەكەلٸ جەنٸبەكوۆ” ٶمٸرباياندىق رومانى, 2013 جىلى قازاقستان جازۋشىلار وداعى قر مەملەكەتتٸك سىيلىعىنا ۇسىنىلعان “شەمشٸ قالداياقوۆ – ەن پاتشاسى” رومان-ەسسەسٸ بار. ە.ەكٸمقۇلوۆتىڭ اۋدارماشىلىق تەجٸريبەسٸ بار, راديو مەن تەاترعا بٸرنەشە پەسالار جازعان.
ە.ەكٸمقۇلوۆ ەڭبەك جولىن “لەنينشٸل جاس” (قازٸرگٸ “جاس الاش”) گازەتٸندە تٸلشٸ بولىپ باستاعان, كەيٸن الماتى قالالىق پارتييا كوميتەتٸندە, “جالىن”, “جازۋشى”, “راۋان” اسپالارىندا, “كٸتاپ” جارشىسى” (“درۋگ چيتاتەليا”) گازەتٸندە جاۋاپتى قىزمەتتەر اتقارعان.
