27 قىركٷيەكتە قازاقستاندىق سپورتشى ياسمينا توقسانباەۆا ايچي-ناگويا-2026 ازييا ويىندارىندا سپورتتىق جٷرٸس جارىسىندا قىتاي سپورتشىلارىن باسىپ وزىپ, مەرەگە بٸرٸنشٸ بولىپ جەتتٸ, دەپ حابارلايدى dalanews.kz ۇوك-قا سٸلتەپ.
جارىس اياقتالعاننان كەيٸن World Athletics ەرەجەلەرٸنە سەيكەس ەيەلدەر مەن ەرلەر اراسىندا جٷلدەلٸ ورىندارعا يە بولعان ٷش سپورتشىنىڭ اياق كيٸمٸ مٸندەتتٸ تەكسەرٸستەن ٶتكەن. تەكسەرٸس بارىسىندا تەحنيكالىق دەلەگاتتار قازاقستان ٶكٸلٸ ياسمينا توقسانباەۆا كيگەن اياق كيٸم World Athletics ماقۇلداعان مودەلدەر تٸزٸمٸندە جوق ەكەنٸن انىقتاعان.
مەسەلەنٸ ودان ەرٸ قاراۋ ٷشٸن قازاقستاندىق سپورتشىنىڭ اياق كيٸمٸ سۋرەتكە تٷسٸرٸلٸپ, تيٸستٸ مەلٸمەتتەرمەن بٸرگە رەسمي قورىتىندى الۋ ٷشٸن World Athletics-كە جولدانعان. حالىقارالىق فەدەراتسييانىڭ جاۋابى كەلگەنگە دەيٸن ماراپاتتاۋ رەسٸمٸ شەگەرٸلگەن.
World Athletics سپورتشى كيگەن اياق كيٸم جارىستاردا قولدانۋعا رۇقسات ەتٸلگەن مودەلدەر قاتارىنا كٸرمەيتٸنٸن رەسمي تٷردە راستاعان. حالىقارالىق فەدەراتسييانىڭ قولدانىستاعى ەرەجەلەرٸنە سەيكەس مۇنداي جاعدايدا سپورتشىنىڭ نەتيجەسٸ جارامسىز دەپ تانىلىپ, جارىستىڭ قورىتىندى حاتتاماسىنا تيٸستٸ ٶزگەرٸس ەنگٸزٸلەدٸ.
وسى ازييا ويىندارىندا مۇنداي جاعداي بۇعان دەيٸن جەتٸسايىستا ٶنەر كٶرسەتكەن يراندىق سپورتشى موحيتزادەگە قاتىستى بولعان. تەكسەرٸس بارىسىندا ونىڭ اياق كيٸمٸ دە World Athletics ماقۇلداعان مودەلدەر تٸزٸمٸندە جوق ەكەنٸ انىقتالعان. ەرەجەگە سەيكەس ونىڭ نەتيجەسٸ جويىلعان. وسىلايشا, قورىتىندى حاتتاماعا ٶزگەرٸس ەنگٸزٸلگەننەن كەيٸن بۇعان دەيٸن تٶرتٸنشٸ ورىندا تۇرعان قازاقستاندىق الينا چيستياكوۆا ٷشٸنشٸ ورىنعا كٶتەرٸلٸپ, قولا مەدال يەلەندٸ.
"مەسەلە تۋىنداعان سەتتەن باستاپ قازاقستاننىڭ ۇوك قازاقستاندىق سپورتشىعا قولداۋ كٶرسەتۋ جەنە اپەللياتسيياعا بەرۋ مٷمكٸندٸگٸن قاراستىرۋ ماقساتىندا World Athletics, Asian Athletics Association, ازييا وليمپيادا كەڭەسٸ (اوك) جەنە قازاقستان رەسپۋبليكاسىنىڭ جەڭٸل اتلەتيكا فەدەراتسيياسىمەن بٸرلەسٸپ جۇمىس ٸستەپ جاتىر", - دەدٸ كوميتەت ٶكٸلدەرٸ.
