ميحايل ميشۋستين ومبى قالاسىندا ورنالاسقان قازاقستاننىڭ جەتەكشى جوعارى وقۋ ورىندارىنىڭ ءبىرى – ءال-فارابي اتىنداعى قازاق ۇلتتىق ۋنيۆەرسيتەتىنىڭ فيليالىنا باردى. قازۇۋ – رەسەي اۋماعىندا ءوز فيليالىن اشقان العاشقى قازاقستاندىق جوعارى وقۋ ورنى.
قازاقستان تاراپىنان كەزدەسۋگە ق ر عىلىم جانە جوعارى ءبىلىم ءمينيسترى ساياسات نۇربەك پەن ءال-فارابي اتىنداعى قازۇۋ رەكتورى جانسەيىت تۇيمەبايەۆ قاتىستى.
رەسەي تاراپىنان شاراعا رف عىلىم جانە جوعارى ءبىلىم ءمينيسترى ۆالەريي فالكوۆ، ومبى وبلىسىنىڭ گۋبەرناتورى ۆيتاليي حوسەنكو، ومبى وبلىسىنىڭ جوعارى ءبىلىم جانە عىلىمي-تەحنولوگيالىق دامۋ ءمينيسترى الەكساندر كولسوۆ، ف.م.دوستويەۆسكيي اتىنداعى ومبى مەملەكەتتىك ۋنيۆەرسيتەتىنىڭ رەكتور مىندەتىن اتقارۋشى يۆان كروتت قاتىستى.
قوناقتار قابىلداۋ كوميسسياسىنىڭ جۇمىسىمەن تانىسىپ، قازۇۋ-دىڭ وقۋ كورپۋسى مەن عىلىمي كىتاپحاناسىن ارالادى.
كەزدەسۋ بارىسىندا قازۇۋ رەكتورى فيليالدىڭ قۇرىلۋ تاريحى جونىندە ايتىپ ءوتتى، ال ساياسات نۇربەك قازاقستانداعى رەسەيلىك جوعارى وقۋ ورىندارىنىڭ فيليالدارىنىڭ قىزمەتى تۋرالى باياندادى.
قازۇۋ فيليالىنىڭ ومبى مەملەكەتتىك ۋنيۆەرسيتەتى بازاسىنداعى رەسمي اشىلۋى 2024 جىلعى 27 قاراشادا ەكى ەل پرەزيدەنتتەرىنىڭ قاتىسۋىمەن ءوتتى.
رف ۇكىمەتىنىڭ ءتوراعاسى قازاقستاندا جۇمىس ىستەپ جاتقان رەسەيلىك فيليالداردىڭ بەلسەندى قىزمەتى ءۇشىن العىس ءبىلدىرىپ، ومبىدا قازاقستاندىق جەتەكشى ۋنيۆەرسيتەتتىڭ فيليالىنىڭ اشىلۋىنىڭ ماڭىزدىلىعىن ەرەكشە اتاپ ءوتتى. سونىمەن قاتار ول تالاپكەرلەردى قازۇۋ فيليالىنا وقۋعا تۇسۋگە شاقىردى.
قازىرگى تاڭدا قابىلداۋ ناۋقانى اياسىندا فيليال باكالاۆرياتتىڭ ءۇش باعىتى بويىنشا، اتاپ ايتقاندا، فيلولوگيا فاكۋلتەتىنەن «قازاق ءتىلى مەن ادەبيەتى»، زاڭ فاكۋلتەتىنەن «كەدەن ءىسى»، حالىقارالىق قاتىناستار فاكۋلتەتىنەن «حالىقارالىق قۇقىق» باعىتتارى بويىنشا ستۋدەنتتەردى قابىلداپ جاتىر. فيليالعا جالپى 200-250 تالاپكەردى قابىلداۋ جوسپارلانىپ وتىر.
