2025 جىلى ەلىمىزدە 25 مىڭنان اسا قىزمەتكەردىڭ ەڭبەكاقىسى وسەدى. بۇل تۋرالى سۋ رەسۋرستارى جانە يرريگاسيا مينيسترلىگى عىلىم جانە يننوۆاسيالار دەپارتامەنتىنىڭ ديرەكتورى ءلاززات ءجۇسىپوۆا ورتالىق كوممۋنيكاسيالار قىزمەتىندەگى بريفينگتە مالىمدەدى، دەپ حابارلايدى Dalanews.kz.
ول ءوز سوزىندە قازاقستاندا تابيعي مونوپوليالار تۋرالى زاڭناماعا وزگەرىستەر ەنگىزىلگەنىن ەسكە سالدى. بۇل تۇزەتۋلەر سۋ شارۋاشىلىعى سالاسىنداعى قىزمەتكەرلەردىڭ جالاقىسىن ارتتىرۋعا باعىتتالعان.
"1 شىلدەدەن باستاپ "قازسۋشار" مەكەمەسىنىڭ قىزمەتكەرلەرىنىڭ جالاقىسى ءوستى. وزگەرىس سۋ بۇرۋ جانە سۋمەن جابدىقتاۋ سالاسىندا جۇمىس ىستەيتىن 25 مىڭنان اسا ماماننىڭ ەڭبەكاقىسىن كوتەرۋگە مۇمكىندىك بەرەدى. وڭىرلەر مەن ستاتيستيكالىق دەرەكتەرگە بايلانىستى ءوسىم ورتا ەسەپپەن 35-50 پايىز بولادى"، – دەدى ءجۇسىپوۆا.
ايتا كەتەيىك، تابيعي مونوپوليالار تۋرالى زاڭعا ەنگىزىلگەن تۇزەتۋلەر 2025 جىلعى 1 قىركۇيەكتەن باستاپ كۇشىنە ەنەدى.
