2025 jyly elimizde 25 myńnan asa qyzmetkerdiń eńbekaqysy ósedi. Bul týraly Sý resýrstary jáne irrigatsiia ministrligi Ǵylym jáne innovatsiialar departamentiniń direktory Lázzat Júsipova Ortalyq kommýnikatsiialar qyzmetindegi brifingte málimdedi, dep habarlaidy Dalanews.kz.
Ol óz sózinde Qazaqstanda tabiǵi monopoliialar týraly zańnamaǵa ózgerister engizilgenin eske saldy. Bul túzetýler sý sharýashylyǵy salasyndaǵy qyzmetkerlerdiń jalaqysyn arttyrýǵa baǵyttalǵan.
"1 shildeden bastap "Qazsýshar" mekemesiniń qyzmetkerleriniń jalaqysy ósti. Ózgeris sý burý jáne sýmen jabdyqtaý salasynda jumys isteitin 25 myńnan asa mamannyń eńbekaqysyn kóterýge múmkindik beredi. Óńirler men statistikalyq derekterge bailanysty ósim orta eseppen 35-50 paiyz bolady", – dedi Júsipova.
Aita keteiik, tabiǵi monopoliialar týraly zańǵa engizilgen túzetýler 2025 jylǵy 1 qyrkúiekten bastap kúshine enedi.
