«الماتى» ەكك اق-نىڭ ەنشٸلەس ۇيىمى «Almaty Finance» جشس «NP Almaty» جشس-عا «العاباس» شاعىناۋدانىندا 2 000 جەنە 1 200 ورىندىق ەكٸ جالپى بٸلٸم بەرەتٸن مەكتەپ سالۋ ٷشٸن 5 ملرد تەڭگە بٶلدٸ,- دەپ حابارلايدى Dalanews.kz
قارجىلاندىرۋ قازاقستانداعى وقۋشى ورىندارىنىڭ تاپشىلىعىن جەنە ٷش اۋىسىمدى وقىتۋدى جويۋعا باعىتتالعان «كەلەشەك مەكتەپتەرٸ» ۇلتتىق جوباسى اياسىندا, سونداي-اق قالالىق ەكٸمدٸك جانىنداعى جوبالىق كەڭسەسٸنٸڭ قولداۋىمەن ٸسكە اسىرىلىپ جاتقان «Almaty Business – 2025» ٶڭٸرلٸك كەسٸپكەرلٸكتٸ دامىتۋ باعدارلاماسى اياسىندا جٷزەگە اسىرىلادى.
قارىز بويىنشا سىياقى مٶلشەرلەمەسٸ جىلدىق 10% (جتسم), قارجىلاندىرۋ مەرزٸمٸ 1 جىل.
قارىز الۋشى «NP Almaty» جشس مەكتەپتەردٸ بٸرىڭعاي سەۋلەتتٸك جەنە بٸلٸم بەرۋ ستاندارتىنا ساي, جايلى, ينكليۋزيۆتٸ جەنە قاۋٸپسٸز ورتا قالىپتاستىرا وتىرىپ سالۋدى جوسپارلاپ وتىر. مەكتەپتەر STEM-زەرتحانالارىمەن, روبوتوتەحنيكا, فيزيكا, حيمييا, بيولوگييا كابينەتتەرٸمەن, ينتەللەكتۋممەن, كومپيۋتەرلٸك سىنىپتارمەن, اكت زالىمەن, مەدياتەكامەن, كوۆوركينگپەن, شەبەرحانالارمەن, سونداي-اق اشىق ويىن جەنە سپورت الاڭدارىمەن جابدىقتالادى.
سونىمەن قاتار, مەكتەپتەر جاس ەرەكشەلٸگٸنە قاراي باستاۋىش, نەگٸزگٸ جەنە ورتا بلوكتارعا بٶلٸنٸپ, ەرقايسىسىندا جەكە اسحانا مەن سپورت زالى قاراستىرىلادى.
عيماراتتاردا بەينەباقىلاۋ, دابىل جٷيەسٸ جەنە قاۋٸپ تٶنگەن جاعدايدا ەسٸكتەردٸ اۆتوماتتى تٷردە بۇعاتتايتىن جٷيە ورناتىلادى.
مەكتەپتەردٸ اشۋ 2026 جىلعى قاڭتارعا جوسپارلانعان.
«جوبا قارقىندى دامىپ كەلە جاتقان الاتاۋ اۋدانىندا مەكتەپ ورىندارىنىڭ جەتٸسپەۋشٸلٸگٸن شەشۋگە, بالالاردى جايلى ەرٸ زاماناۋي وقۋ جاعدايلارىمەن قامتاماسىز ەتۋگە, سونداي-اق 270-تەن استام تۇراقتى جۇمىس ورنىن اشۋعا مٷمكٸندٸك بەرەدٸ», — دەدٸ «Almaty Finance» جشس باسقارما تٶراعاسى بەرٸك قۇسايىنوۆ.
