«Almaty» ÁKK AQ-nyń enshiles uiymy «Almaty Finance» JShS «NP Almaty» JShS-ǵa «Alǵabas» shaǵynaýdanynda 2 000 jáne 1 200 oryndyq eki jalpy bilim beretin mektep salý úshin 5 mlrd teńge bóldi,- dep habarlaidy Dalanews.kz
Qarjylandyrý Qazaqstandaǵy oqýshy oryndarynyń tapshylyǵyn jáne úsh aýysymdy oqytýdy joiýǵa baǵyttalǵan «Keleshek mektepteri» ulttyq jobasy aiasynda, sondai-aq qalalyq ákimdik janyndaǵy jobalyq keńsesiniń qoldaýymen iske asyrylyp jatqan «Almaty Business – 2025» óńirlik kásipkerlikti damytý baǵdarlamasy aiasynda júzege asyrylady.
Qaryz boiynsha syiaqy mólsherlemesi jyldyq 10% (JTSM), qarjylandyrý merzimi 1 jyl.
Qaryz alýshy «NP Almaty» JShS mektepterdi biryńǵai sáýlettik jáne bilim berý standartyna sai, jaily, inkliýzivti jáne qaýipsiz orta qalyptastyra otyryp salýdy josparlap otyr. Mektepter STEM-zerthanalarymen, robototehnika, fizika, himiia, biologiia kabinetterimen, intellektýmmen, kompiýterlik synyptarmen, akt zalymen, mediatekamen, kovorkingpen, sheberhanalarmen, sondai-aq ashyq oiyn jáne sport alańdarymen jabdyqtalady.
Sonymen qatar, mektepter jas ereksheligine qarai bastaýysh, negizgi jáne orta bloktarǵa bólinip, árqaisysynda jeke ashana men sport zaly qarastyrylady.
Ǵimarattarda beinebaqylaý, dabyl júiesi jáne qaýip tóngen jaǵdaida esikterdi avtomatty túrde buǵattaityn júie ornatylady.
Mektepterdi ashý 2026 jylǵy qańtarǵa josparlanǵan.
«Joba qarqyndy damyp kele jatqan Alataý aýdanynda mektep oryndarynyń jetispeýshiligin sheshýge, balalardy jaily ári zamanaýi oqý jaǵdailarymen qamtamasyz etýge, sondai-aq 270-ten astam turaqty jumys ornyn ashýǵa múmkindik beredi», — dedi «Almaty Finance» JShS basqarma tóraǵasy Berik Qusaiynov.
