Sevastopol biligi qaýipsizdik sharalaryn kúsheitý maqsatynda janarmai quiý beketterinde benzin satýdy toqtatty. Qala gýbernatory Mihail Razvojaevtyń aitýynsha, bul sheshim turǵyndardyń qaýipsizdigin qamtamasyz etý úshin qabyldanǵan, dep habarlaidy dalanews.kz.
Jańa tártipke sáikes, qoǵamdyq kólik tek kúndizgi ýaqytta – tańǵy 05:30-dan keshki 21:00-ge deiin qatynaidy. Saýda ortalyqtary, sýpermarketter men iri dúkender keshki saǵat 20:00-de jabylady. Sondai-aq kóshelerdegi jaryqtandyrý júiesin óshirý josparlanǵan.
Al Qyrym aýmaǵynda janarmai quiý beketterine otyn jetkizý tolyq toqtatyldy. Respýblika basshysy Sergei Aksenovtyń málimdeýinshe, benzin men dizel otyny tek memlekettik qyzmetter men arnaiy qurylymdarǵa ǵana beriletin bolady.
Sonymen qatar túbekte elektr energiiasyna qatysty qiyndyqtar saqtalyp otyr. Elektr jelilerindegi zaqym saldarynan Qyrymnyń birqatar eldi mekenderi jaryqsyz qalǵan. Bilik turǵyndardy elektr qýatyn únemdep paidalanýǵa, konditsionerler men qajetsiz qurylǵylardy ajyratyp otyrýǵa shaqyrdy.
