QMA Aqmola oblysy boiynsha departamenti prokýratýranyń úilestirýimen elektrondyq tutyný júielerin (veipterdi), olarǵa arnalǵan hosh iistendirgishter men suiyqtyqtardy zańsyz ótkizýmen ainalysqan qylmystyq toptyń qyzmetin toqtatty, dep habarlaidy dalanews.kz.
Ónimderdi ótkizý áleýmettik jelilerdegi internet-dúkender arqyly júzege asyrylyp, jetkizý kýrerlik qyzmetpen uiymdastyrylǵan.
Qatysýshylar zańsyz qyzmetin jasyrý maqsatynda konspiratsiia sharalaryn qoldanyp, aqsha qarajatyn qabyldaý jáne qolma-qol aqshaǵa ainaldyrý úshin dropperlerdiń qyzmetin paidalanǵan.
Qylmystyq tabys kólemi 221 mln teńgeden asty.
Sot sanktsiiasymen kúdiktilerge tiesili páter men avtokólikke tyiym salyndy. Uiymdastyrýshy qamaýǵa alyndy. Tergep-tekserý jalǵasýda.
Qazaqstan Respýblikasy QPK-niń 201-babyna sáikes ózge aqparat jariialaýǵa jatpaidy.
Aita ketý kerek, jyl basynan beri Qarjylyq monitoring agenttigi veipterdi zańsyz ótkizý faktileri boiynsha 12 sotqa deiingi tergep-tekserýdi bastaǵan.
Zańsyz ainalymnan 717 myń dana ónim tárkilendi.
