سەمەي قالاسىنداعى ەرتىس وزەنى ۇستىنەن وتەتىن اسپالى كوپىر كۇردەلى جوندەۋدەن كەيىن قايتا پايدالانۋعا بەرىلدى. قازىرگى تاڭدا كوپىردىڭ ەكىنشى بولىگىندە دە جوندەۋ جۇمىستارى تولىق اياقتالىپ، كولىك قوزعالىسى تولىقتاي اشىلدى،- دەپ حابارلايدى Dalanews.kz
اتالعان جۇمىستار اباي وبلىسىنىڭ اكىمى بەرىك ءۋاليدىڭ تاپسىرماسىمەن قولعا الىنىپ، 25 جىلدان كەيىن العاش رەت كەڭ اۋقىمدا جۇزەگە استى. جوندەۋ بارىسىندا كوپىردىڭ نەگىزگى كونسترۋكسيالارى جاڭارتىلىپ، قاۋىپسىزدىك شارالارى كۇشەيتىلگەن.
سەمەيلىكتەر ءۇشىن ستراتەگيالىق ماڭىزى بار بۇل كوپىر قالانىڭ ەكى بولىگىن بايلانىستىرىپ قانا قويماي، ترانزيتتىك قوزعالىس ءۇشىن دە اسا ماڭىزدى نىسان بولىپ تابىلادى.
