قارجى نارىعىن رەتتەۋ جەنە دامىتۋ اگەنتتٸگٸ قازاقستانداعى بانكتەردٸڭ قارجىلاي جاعدايىن باقىلاۋدى كٷشەيتپەك. رەتتەۋشٸ پروبلەمالى بانكتەردٸ ەرتەرەك انىقتاپ, تەۋەكەلدٸڭ الدىن الۋ ٷشٸن جاڭا باقىلاۋ تەتٸكتەرٸن ەنگٸزۋدٸ جوسپارلاپ وتىر, دەپ حابارلايدى dalanews.kz.
جاڭا ەرەجەلەرگە سەيكەس, بانكتٸڭ قارجىلىق تۇراقتىلىعى ەلسٸرەي باستاعان جاعدايدا قارجى نارىعىن رەتتەۋ جەنە دامىتۋ اگەنتتٸگٸ ونىڭ قىزمەتٸنە جەدەل ارالاسا الادى. ول ٷشٸن بٸرقاتار ماڭىزدى كٶرسەتكٸش بويىنشا شەكتٸ دەڭگەيلەر بەلگٸلەنبەك. اتاپ ايتقاندا, قۇنسىزدانعان نەسيەلٸك اكتيۆتەردٸڭ ٷلەسٸ, دەپوزيتتەردٸڭ قىسقا ۋاقىت ٸشٸندە جاپپاي الىنۋى, اكتيۆتەردٸڭ تابىستىلىعىنىڭ تٶمەندەۋٸ جەنە ۆاليۋتالىق پوزيتسييالار باقىلاۋعا الىنادى. مىسالى, ەگەر بٸر اپتا ٸشٸندە دەپوزيتتەردٸڭ كەتۋٸ 15 پايىزدان اسسا, بۇل قارجىلىق تۇراقتىلىققا قاۋٸپتٸڭ بەلگٸسٸ رەتٸندە قاراستىرىلۋى مٷمكٸن.
سونىمەن قاتار اگەنتتٸك بانكتٸڭ ٶمٸرشەڭدٸگٸن باعالاۋ تەرتٸبٸن دە ەزٸرلەمەك. بۇعان جٷيەلٸك تەۋەكەلدەردٸ انىقتاۋ كريتەرييلەرٸ مەن نارىق تالابىنا ساي كەلمەيتٸن, بانككە شىعىن ەكەلەتٸن مەمٸلەلەردٸ باعالاۋ كٸرەدٸ.
قارجى نارىعىن رەتتەۋ جەنە دامىتۋ اگەنتتٸگٸ ەندٸ قارجىلىق ەسەپتٸلٸكتٸڭ بۇرمالانۋى نەمەسە كليەنتتەردٸڭ تٶلەمدەرٸندە ٸركٸلٸس بايقالعان جاعدايدا دا جەدەل ەرەكەت ەتۋ قۇقىعىنا يە بولادى. اگەنتتٸك بۇل ٶزگەرٸستەر بانك سەكتورىنداعى تەۋەكەلدەردٸ ەرتە انىقتاپ, قارجى جٷيەسٸنٸڭ تۇراقتىلىعىن كٷشەيتۋگە مٷمكٸندٸك بەرەدٸ دەپ وتىر.
