Qarjy naryǵyn retteý jáne damytý agenttigi Qazaqstandaǵy bankterdiń qarjylai jaǵdaiyn baqylaýdy kúsheitpek. Retteýshi problemaly bankterdi erterek anyqtap, táýekeldiń aldyn alý úshin jańa baqylaý tetikterin engizýdi josparlap otyr, dep habarlaidy dalanews.kz.
Jańa erejelerge sáikes, banktiń qarjylyq turaqtylyǵy álsirei bastaǵan jaǵdaida Qarjy naryǵyn retteý jáne damytý agenttigi onyń qyzmetine jedel aralasa alady. Ol úshin birqatar mańyzdy kórsetkish boiynsha shekti deńgeiler belgilenbek. Atap aitqanda, qunsyzdanǵan nesielik aktivterdiń úlesi, depozitterdiń qysqa ýaqyt ishinde jappai alynýy, aktivterdiń tabystylyǵynyń tómendeýi jáne valiýtalyq pozitsiialar baqylaýǵa alynady. Mysaly, eger bir apta ishinde depozitterdiń ketýi 15 paiyzdan assa, bul qarjylyq turaqtylyqqa qaýiptiń belgisi retinde qarastyrylýy múmkin.
Sonymen qatar agenttik banktiń ómirsheńdigin baǵalaý tártibin de ázirlemek. Buǵan júielik táýekelderdi anyqtaý kriteriileri men naryq talabyna sai kelmeitin, bankke shyǵyn ákeletin mámilelerdi baǵalaý kiredi.
Qarjy naryǵyn retteý jáne damytý agenttigi endi qarjylyq eseptiliktiń burmalanýy nemese klientterdiń tólemderinde irkilis baiqalǵan jaǵdaida da jedel áreket etý quqyǵyna ie bolady. Agenttik bul ózgerister bank sektoryndaǵy táýekelderdi erte anyqtap, qarjy júiesiniń turaqtylyǵyn kúsheitýge múmkindik beredi dep otyr.
