ۋكراينا ازەربايجاننان گاز الا باستادى. بۇل جونىندە "نافتوگاز" كومپانياسىنىڭ باسقارما ءتوراعاسى سەرگەي كورەسكيي الەۋمەتتىك جەلىدەگى پاراقشاسىندا جازدى، دەپ حابارلايدى Dalanews.kz.
ونىڭ ايتۋىنشا، گاز جەتكىزۋ ترانسبالقان ءدالىزى ارقىلى، ناقتىراق ايتقاندا بولگاريا – رۋمىنيا – ۋكراينا شەكارالارى باعىتىندا سىناق رەجيمىندە جۇزەگە اسىپ جاتىر.
"بۇل – شاعىن بولسا دا، ستراتەگيالىق ماڭىزى بار قادام. ول بولاشاقتا ۇزاق مەرزىمدى سەرىكتەستىككە نەگىز قالاپ، گاز جەتكىزۋ باعىتتارىن ءارتاراپتاندىرۋعا جانە ۋكراينانىڭ ەنەرگەتيكالىق قاۋىپسىزدىگىن كۇشەيتۋگە مۇمكىندىك بەرەدى"، – دەپ جازدى كورەسكيي Facebook پاراقشاسىندا.
ايتا كەتەيىك، ازەربايجان مەن رەسەي اراسىنداعى قارىم-قاتىناس ۋشىعىپ تۇرعان كەزەڭدە باكۋ كييەۆكە گاز جەتكىزۋدى باستاپ وتىر.
