تٶتەنشە جاعدايلار مينيسترلٸگٸنٸڭ بۇرىنعى باسشىسى يۋريي يليننٸڭ ۇلى يگور يلين «قازمۇنايگاز» ۇلتتىق كومپانيياسىنىڭ ەنشٸلەس ۇيىمى – «KMG PetroChem» جشس باسقارما تٶراعاسى قىزمەتٸنەن بوساتىلدى, دەپ حابارلايدى Dalanews.kz.
ونىڭ ورنىنا بۇعان دەيٸن سول كومپانييادا بيزنەستٸ دامىتۋ جٶنٸندەگٸ ورىنباسار قىزمەتٸن اتقارعان دياز دييانوۆ كەلدٸ.
كومپانييا مەلٸمەتٸنشە, دييانوۆتىڭ كەسٸبي تەجٸريبەسٸ 20 جىلدان اسادى, ونىڭ 15 جىلىن KMG قۇرىلىمىندا ٶتكٸزگەن.
بۇعان دەيٸن ول «قازمۇنايگاز ٶنٸمدەرٸ» اق, «قازمۇنايگاز – ٶڭدەۋ جەنە ماركەتينگ» اق, اتىراۋ مٶز جەنە KPI Inc. كومپانييالارىندا قىزمەت ەتكەن.
يليننٸڭ «KMG PetroChem»-دەن كەتۋ سەبەبٸ ەزٸرگە بەلگٸسٸز. ول اتالعان كومپانييانى 2024 جىلعى جەلتوقساننان بەرٸ باسقارعان. بۇعان دەيٸن Karabatan Utility Solutions ۇيىمىندا جەنە «سامۇرىق-قازىنا» قورى مەن الەكساندر كلەبانوۆ پەن سەرگەي كانعا تيەسٸلٸ ورتالىق ازييا ەلەكتر ەنەرگەتيكالىق كورپوراتسيياسىنىڭ قۇرىلىمدارىندا باسشىلىق قىزمەتتەر اتقارعان.
ال ونىڭ ەكەسٸ يۋريي يلين 2023 جىلى اباي وبلىسىنداعى قايعىلى وقيعادان كەيٸن تجم باسشىسى قىزمەتٸنەن بوساتىلعان بولاتىن.
