Tótenshe jaǵdaılar mınıstrliginiń burynǵy basshysy Iýrıı Ilınniń uly Igor Ilın «QazMunaıGaz» ulttyq kompanıasynyń enshiles uıymy – «KMG PetroChem» JSHS basqarma tóraǵasy qyzmetinen bosatyldy, dep habarlaıdy Dalanews.kz.
Onyń ornyna buǵan deıin sol kompanıada bıznesti damytý jónindegi orynbasar qyzmetin atqarǵan Dıaz Dıanov keldi.
Kompanıa málimetinshe, Dıanovtyń kásibı tájirıbesi 20 jyldan asady, onyń 15 jylyn KMG qurylymynda ótkizgen.
Buǵan deıin ol «QazMunaıGaz Ónimderi» AQ, «QazMunaıGaz – óńdeý jáne marketıń» AQ, Atyraý MÓZ jáne KPI Inc. kompanıalarynda qyzmet etken.
Ilınniń «KMG PetroChem»-den ketý sebebi ázirge belgisiz. Ol atalǵan kompanıany 2024 jylǵy jeltoqsannan beri basqarǵan. Buǵan deıin Karabatan Utility Solutions uıymynda jáne «Samuryq-Qazyna» qory men Aleksandr Klebanov pen Sergeı Kanǵa tıesili Ortalyq Azıa elektr energetıkalyq korporasıasynyń qurylymdarynda basshylyq qyzmetter atqarǵan.
Al onyń ákesi Iýrıı Ilın 2023 jyly Abaı oblysyndaǵy qaıǵyly oqıǵadan keıin TJM basshysy qyzmetinen bosatylǵan bolatyn.
