ورال قالاسىنىڭ 250 ميلليون تەڭگەگە ازىرلەنگەن جاڭا باس جوسپارى باسقا قالالاردىڭ قۇجاتتارىنان كوشىرىلگەنى اشكەرە بولدى. انىقتالعان ولقىلىقتاردان كەيىن قالا اكىمىنىڭ ساۋلەت جانە قۇرىلىسقا جاۋاپتى ورىنباسارى ازامات حالەلوۆ تارتىپتىك جازاعا تارتىلدى، دەپ حابارلايدى Dalanews.kz.
جوسپاردان تەك ورال ەمەس، قاراعاندى مەن سەمەي قالالارىنىڭ اتاۋلارى دا تابىلعان. قالا اكىمدىگىنىڭ حابارلاۋىنشا، قۇجاتتاعى ولقىلىقتارعا تىكەلەي جاۋاپتى مامان سوگىس بەرىلمەستەن بۇرىن جۇمىستان شىعىپ كەتكەن.
ال اكىم ورىنباسارى ازامات حالەلوۆ مۇنى "تەحنيكالىق قاتە" دەپ ءتۇسىندىردى. ونىڭ ايتۋىنشا، جوبانى ازىرلەگەن ماماندار وزگە قالالاردىڭ جوسپارلارىمەن قاتار جۇمىس ىستەپ ءجۇرىپ، قۇجاتتاردى شاتاستىرىپ العان.
15 شىلدە كۇنى وتكەن قوعامدىق تىڭداۋدا بۇل سايكەسسىزدىكتى قالا تۇرعىنى دانيل ماكاتۋحا بايقاعان.
جوبانى «Grado» ج ش س 250 ميلليون تەڭگەگە دايىنداعان. اكىمدىكتىڭ ايتۋىنشا، جوبا اياسىندا ناقتى جۇمىستار جۇرگىزىلگەن: توپوگرافيالىق ولشەۋلەر جاسالىپ، ينفراقۇرىلىمعا تالداۋ جۇرگىزىلگەن.
