Oral qalasynyń 250 million teńgege ázirlengen jańa bas jospary basqa qalalardyń qujattarynan kóshirilgeni áshkere boldy. Anyqtalǵan olqylyqtardan keiin qala ákiminiń sáýlet jáne qurylysqa jaýapty orynbasary Azamat Halelov tártiptik jazaǵa tartyldy, dep habarlaidy Dalanews.kz.
Jospardan tek Oral emes, Qaraǵandy men Semei qalalarynyń ataýlary da tabylǵan. Qala ákimdiginiń habarlaýynsha, qujattaǵy olqylyqtarǵa tikelei jaýapty maman sógis berilmesten buryn jumystan shyǵyp ketken.
Al ákim orynbasary Azamat Halelov muny "tehnikalyq qate" dep túsindirdi. Onyń aitýynsha, jobany ázirlegen mamandar ózge qalalardyń josparlarymen qatar jumys istep júrip, qujattardy shatastyryp alǵan.
15 shilde kúni ótken qoǵamdyq tyńdaýda bul sáikessizdikti qala turǵyny Danil Makatýha baiqaǵan.
Jobany «Grado» JShS 250 million teńgege daiyndaǵan. Ákimdiktiń aitýynsha, joba aiasynda naqty jumystar júrgizilgen: topografiialyq ólsheýler jasalyp, infraqurylymǵa taldaý júrgizilgen.
