ۇلتتىق بانك 2025 جىلدىڭ 1 شٸلدەسٸندەگٸ جاعداي بويىنشا نەسيەگە قاتىستى مەلٸمەتتەرمەن بٶلٸستٸ. ەلٸمٸزدە الىنعان نەسيەنٸڭ جالپى كٶلەمٸ 38,8 ترلن تەڭگە نەمەسە جٸٶ-نٸڭ 28,0%-ىن قۇرادى. ماۋسىم نەسيە ٷشٸن بەلسەندٸ تاعى بٸر اي بولدى, ەلسٸز تەڭگە مەن ەكپٸن العان ينفلياتسييا اياسىندا ەكونوميكالىق اگەنتتەر قارىزعا كٶپتەپ اقشا الىپ قالۋعا تىرىسىپ, جانتالاستى, دەپ حابارلايدى Dalanews.kz.
ۇلتتىق بانك دەرەگٸنشە, ماۋسىم ايىنداعى ماڭىزدى فاكتورلار:
- سوڭعى بٸر ايدا ەكونوميكاداعى كرەديتتەردٸڭ ٶسٸمٸ 2,2%-عا قارقىن الدى;
- ماۋسىم ايىندا بيزنەسكە بەرٸلگەن نەسيە ٶسٸمٸ (ونىڭ ٸشٸندە +0,9% قدب كرەديتتەرٸ) +2,4% قۇرادى;
- حالىققا بەرٸلگەن كرەديتتەر ٶسٸمٸ: +2,1%
- نەسيە پورتفەلٸنٸڭ بٸر ايداعى ٶسٸمٸ: + 841,2 ملرد تەڭگە.
بيزنەس نەسيەلەرٸ: قازاقستاننىڭ دامۋ بانكٸنٸڭ پورتفەلٸ 23,2 ملرد تەڭگەگە (+0,9% م/م) ٶسٸپ, ول بيزنەسكە بەرٸلگەن بارلىق كرەديتتەردٸڭ 15,6%-ىن قامتىدى. ورتاشا ٶسٸمگە قاراماستان, قدب ارقىلى ينفراقۇرىلىمنان ٶنەركەسٸپكە دەيٸنگٸ جٷيەلٸ جەنە كاپيتالدى قاجەت ەتەتٸن جوبالار قارجىلاندىرىلادى.
- شاعىن بيزنەس جاندانىپ كەلەدٸ: +235,0 ملرد تەڭگە (+3,5% م/م), بۇل - بارلىق سەگمەنتتەر اراسىندا ٷزدٸك نەتيجە;
- ٸرٸ بيزنەس: +117,1 ملرد تەڭگە (+1,7% م / م);
- ورتا بيزنەس: +27,6 ملرد تەڭگە (+1,1% م/م).
بٶلشەك نەسيە كٶلەمٸ بٸر ايدا 2,1% -عا ارتتى:
- تۇتىنۋشىلىق نەسيەلەر: +386,2 ملرد تەڭگە (+2,6% م / م);
- يپوتەكا: +80,6 ملرد تەڭگە (+1,3% م / م);
- باسقا ماقساتتارعا ارنالعان نەسيەلەر تەرٸس مەندە: -5,4 ملرد تەڭگە (-0,6% م/م).
"ماۋسىم, ەسٸرەسە شٸلدە ايىندا تەڭگەنٸڭ قۇنسىزدانۋى (1 اقش دوللارى 544,95 تەڭگەگە دەيٸن) ينفلياتسييالىق كٷتۋلەردٸ كٷشەيتتٸ. بۇل بيزنەس ٷشٸن, ەسٸرەسە ۇلتتىق ۆاليۋتادا قارىز الىپ قالۋ كەرەكتٸگٸ تۋرالى بەلگٸ بولسا, حالىق ٷشٸن ٸرٸ ساتىپ الۋلاردى كەيٸنگە قالدىرماي, جاعداي ەلٸ ناشارلاماي تۇرعاندا قارىزعا بولسىن, ونى ساتىپ الۋ قاجەتتٸگٸن تانىتتى. ەكونوميكا ٶسٸمٸ بٸرٸنشٸ جارتىجىلدىقتا 6,2% بولىپ, قارىز الۋشىلارعا سەنٸمدٸلٸك تۋدىردى. بٸراق بۇل رەتتە مىنانداي تەۋەكەلدەر ەلٸ دە جيناقتالۋدا: ەگەر كرەديتتٸك ٶسٸم جوعارى ينفلياتسييا مەن دەۆالۆاتسييالق كٷتۋلەر اياسىندا جالعاسا بەرسە, ۇلتتىق بانك ساياساتتى قاتاڭداتۋى مٷمكٸن. سول كەزدە ورتفەلدٸڭ تۇراقتىلىعى نەسيە بەرۋ قارقىنىنا ەمەس, ونىڭ ساپاسىنا بايلانىستى بولادى", - دەيدٸ رۋسلان سۇلتانوۆ.
بۇعان دەيٸن سايتىمىزدا "قازٸر يپوتەكالىق نەسيە رەسٸمدەيتٸن ۋاقىت ەمەس, ەكٸ جىل كٷتٸڭٸز - تانىمال قارجىگەر" دەگەن ماقالا جارييالانعان بولاتىن.
