Ulttyq Bank 2025 jyldyń 1 shildesindegi jaǵdai boiynsha nesiege qatysty málimettermen bólisti. Elimizde alynǵan nesieniń jalpy kólemi 38,8 trln teńge nemese JIÓ-niń 28,0%-yn qurady. Maýsym nesie úshin belsendi taǵy bir ai boldy, álsiz teńge men ekpin alǵan infliatsiia aiasynda ekonomikalyq agentter qaryzǵa kóptep aqsha alyp qalýǵa tyrysyp, jantalasty, dep habarlaidy Dalanews.kz.
Ulttyq Bank dereginshe, maýsym aiyndaǵy mańyzdy faktorlar:
- sońǵy bir aida ekonomikadaǵy kreditterdiń ósimi 2,2%-ǵa qarqyn aldy;
- maýsym aiynda bizneske berilgen nesie ósimi (onyń ishinde +0,9% QDB kreditteri) +2,4% qurady;
- halyqqa berilgen kreditter ósimi: +2,1%
- nesie portfeliniń bir aidaǵy ósimi: + 841,2 mlrd teńge.
Biznes nesieleri: Qazaqstannyń Damý bankiniń portfeli 23,2 mlrd teńgege (+0,9% m/m) ósip, ol bizneske berilgen barlyq kreditterdiń 15,6%-yn qamtydy. Ortasha ósimge qaramastan, QDB arqyly infraqurylymnan ónerkásipke deiingi júieli jáne kapitaldy qajet etetin jobalar qarjylandyrylady.
- Shaǵyn biznes jandanyp keledi: +235,0 mlrd teńge (+3,5% m/m), bul - barlyq segmentter arasynda úzdik nátije;
- Iri biznes: +117,1 mlrd teńge (+1,7% m / m);
- Orta biznes: +27,6 mlrd teńge (+1,1% m/m).
Bólshek nesie kólemi bir aida 2,1% -ǵa artty:
- tutynýshylyq nesieler: +386,2 mlrd teńge (+2,6% m / m);
- ipoteka: +80,6 mlrd teńge (+1,3% m / m);
- basqa maqsattarǵa arnalǵan nesieler teris mánde: -5,4 mlrd teńge (-0,6% m/m).
"Maýsym, ásirese shilde aiynda teńgeniń qunsyzdanýy (1 AQSh dollary 544,95 teńgege deiin) infliatsiialyq kútýlerdi kúsheitti. Bul biznes úshin, ásirese ulttyq valiýtada qaryz alyp qalý kerektigi týraly belgi bolsa, halyq úshin iri satyp alýlardy keiinge qaldyrmai, jaǵdai áli nasharlamai turǵanda qaryzǵa bolsyn, ony satyp alý qajettigin tanytty. Ekonomika ósimi birinshi jartyjyldyqta 6,2% bolyp, qaryz alýshylarǵa senimdilik týdyrdy. Biraq bul rette mynandai táýekelder áli de jinaqtalýda: eger kredittik ósim joǵary infliatsiia men devalvatsiialq kútýler aiasynda jalǵasa berse, Ulttyq Bank saiasatty qatańdatýy múmkin. Sol kezde ortfeldiń turaqtylyǵy nesie berý qarqynyna emes, onyń sapasyna bailanysty bolady", - deidi Rýslan Sultanov.
Buǵan deiin saitymyzda "Qazir ipotekalyq nesie rásimdeitin ýaqyt emes, eki jyl kútińiz - tanymal qarjyger" degen maqala jariialanǵan bolatyn.
